തിരുവനന്തപുരം | 2019 ഏപ്രില് ഒന്നിന് മുമ്പ് രജിസ്റ്റര് ചെയ്ത വാഹനങ്ങള്ക്കുള്ള ഹൈ സെക്യൂരിറ്റി രജിസ്ട്രേഷന് പ്ലേറ്റുകള് സര്ക്കാര് അനുമതിയില്ലാതെ വ്യാപകമായി വിതരണം ചെയ്യുന്നതിലൂടെ സംസ്ഥാന ഖജനാവിന് ഏകദേശം 200 കോടി രൂപയുടെ നഷ്ടമുണ്ടാകുമെന്ന് കണക്കാക്കുന്നതായി ഹൈ സെക്യൂരിറ്റി രജിസ്ട്രേഷന് പ്ലേറ്റ് മാനുഫാക്ചറേഴ്സ് അസോസിയേഷന് ഓഫ് ഇന്ത്യ. ഇത്തരം അനധികൃത വില്പന നടത്തുന്ന ലൈസന്സ് പ്ലേറ്റ് നിര്മാതാക്കള്ക്കെതിരെ കര്ശന നിയമ നടപടി സ്വീകരിക്കണമെന്ന് സംഘടന സംസ്ഥാന സര്ക്കാറിനോട് ആവശ്യപ്പെട്ടു.കേന്ദ്ര മോട്ടോര് വാഹന ചട്ടങ്ങളിലെ ചട്ടം 50 ഉം 2018 ലെ ഹൈ സെക്യൂരിറ്റി രജിസ്ട്രേഷന് പ്ലേറ്റ് ഓര്ഡറും അനുസരിച്ചാണ് എച്ച് എസ് ആര് പി വിതരണം ചെയ്യേണ്ടതെന്ന് അസോസിയേഷന് ചൂണ്ടിക്കാട്ടുന്നു. ഇതനുസരിച്ച് 2019 ഏപ്രില് ഒന്നിന് ശേഷമുള്ള പുതിയ വാഹനങ്ങള്ക്ക് രജിസ്ട്രേഷന് അതോറിറ്റിയോ വാഹന നിര്മാതാക്കളോ അവരുടെ അംഗീകൃത ഡീലര്മാരോ വഴി എച്ച് എസ് ആര് പി നല്കാം. എന്നാല് 2019 ഏപ്രില് ഒന്നിന് മുമ്പ് രജിസ്റ്റര് ചെയ്ത വാഹനങ്ങള്ക്ക് സംസ്ഥാന സര്ക്കാറിന്റെ അംഗീകാരമുള്ള രജിസ്ട്രേഷന് അതോറിറ്റി, വാഹന നിര്മാതാക്കള്, അവരുടെ ഡീലര്മാര്, അല്ലെങ്കില് സര്ക്കാര് അംഗീകാരമുള്ള ലൈസന്സ് പ്ലേറ്റ് നിര്മാതാക്കള്, അവരുടെ ഡീലര്മാര് എന്നിവര്ക്ക് മാത്രമേ എച്ച് എസ് ആര് പി നല്കാന് സാധിക്കൂ.വാഹന നിര്മാതാക്കള് അവരുടെ ഡീലര്മാര്ക്ക് ശൂന്യമായ എച്ച് എസ് ആര് പി പ്ലേറ്റുകള് മാത്രമാണ് നല്കേണ്ടത്. വാഹന നമ്പര് പതിപ്പിക്കുന്നതും മൂന്നാമത്തെ രജിസ്ട്രേഷന് അടയാളം അച്ചടിക്കുന്നതും വാഹനത്തില് പ്ലേറ്റ് ഘടിപ്പിക്കുന്നതും ഡീലര്മാര് തന്നെയായിരിക്കണമെന്നും നിയമം വ്യക്തമാക്കുന്നു. മൂന്നാം കക്ഷി ലൈസന്സ് പ്ലേറ്റ് നിര്മാതാക്കളെ പഴയ വാഹനങ്ങളുടെ ഉടമകള്ക്ക് നേരിട്ട് എച്ച് എസ് ആര് പികള് വില്ക്കുന്നതിന് അധികാരപ്പെടുത്താന് വാഹന നിര്മാതാക്കളെയോ അവരുടെ ഡീലര്മാരെയോ ചുമതലപ്പെടുത്താന് നിയമത്തില് വ്യവസ്ഥയില്ലെന്ന് എച്ച് എസ് ആര് പി അഖിലേന്ത്യാ ട്രഷറര് കെ കെ കിഷോര് പറഞ്ഞു.Content Highlights: A trade body has alleged large scale illegal sales of high security registration plates in Kerala. The unauthorized supply for pre-2019 vehicles has caused an estimated revenue loss of 200 crore rupees. Strict legal action has been demanded against non-approved licence plate suppliers.