ചൈനയുമായുള്ള തന്ത്രപരവും ഉഭയകക്ഷിപരവുമായ ബന്ധം കൂടുതൽ ശക്തമാക്കാൻ ഇറാൻ. ഡൽഹിയിൽ നടന്ന ബ്രിക്സ് ജുഡീഷ്യൽ നേതാക്കളുടെ യോഗത്തിനിടെ ഇറാൻ ജുഡീഷ്യറി മേധാവി ഘോലം-ഹൊസൈൻ മൊഹ്സെനി എജെയ് ചൈനീസ് സുപ്രീം പീപ്പിൾസ് കോടതി പ്രസിഡന്റ് ഷാങ് ജുനുമായി നടത്തിയ കൂടിക്കാഴ്ചയിലാണ് നിലപാട് വ്യക്തമാക്കിയത്.നിയമ-നീതിന്യായ മേഖലകളിലെ സഹകരണം കൂടുതൽ വ്യാപിപ്പിക്കാനും കൃത്രിമബുദ്ധി, ഡിജിറ്റൽ സാങ്കേതികവിദ്യ എന്നിവയിൽ വൈദഗ്ധ്യം കൈമാറാനും ഇരു രാജ്യങ്ങളും ധാരണയിലെത്തി. നിലവിലുള്ള ഉഭയകക്ഷി ധാരണാപത്രങ്ങൾ പൂർണമായി നടപ്പാക്കണമെന്നും എജെയ് ആവശ്യപ്പെട്ടു.ഇറാനും ചൈനയും തമ്മിലുള്ള ബന്ധം കൂടുതൽ മേഖലകളിലേക്ക് വ്യാപിപ്പിക്കാൻ താൽപര്യമുണ്ടെന്ന് ഷാങ് ജുൻ വ്യക്തമാക്കി. ജുഡീഷ്യൽ ഭരണം, എഐ, ഡിജിറ്റൽ സാങ്കേതികവിദ്യകൾ എന്നിവയിൽ സഹകരണം ശക്തമാക്കാൻ ചൈന തയ്യാറാണെന്നും അദ്ദേഹം പറഞ്ഞു.ഷാങ്ഹായ് സഹകരണ സംഘടനയിലെ അംഗരാജ്യങ്ങളുടെ നീതിന്യായ തലവന്മാരുടെ ഉച്ചകോടി ഇറാനിൽ നടത്താനാകുമെന്ന പ്രതീക്ഷയും എജെയ് പ്രകടിപ്പിച്ചു.The post ചൈനയുമായുള്ള ബന്ധം ശക്തമാക്കാൻ ഇറാൻ; നീതിന്യായ സഹകരണത്തിനും ധാരണ appeared first on ഇവാർത്ത | Evartha.