തിരുവനന്തപുരം | പാലക്കാട് റെയില്വേ ഡിവിഷനില് നിന്നു വളരെ പ്രധാനപ്പെട്ട മംഗലാപുരം ജങ്ഷന് ഒഴിവാക്കിയതിലൂടെ പാലക്കാട് ഡിവിഷന്റെ വരുമാനം ഗണ്യമായി കുറയുകയും ഇത് ഡിവിഷന്റെ വികസനത്തെ പ്രതികൂലമായി ബാധിക്കുകയും ചെയ്യുമെന്നു മുഖ്യമന്ത്രി വി ഡി സതീശന്. ഡിവിഷന് വെട്ടിമുറിക്കാനുള്ള റെയില്വേ ബോര്ഡ് തീരുമാനം ഏകപക്ഷീയമാണെന്നും തീരുമാനം അങ്ങേയറ്റം പ്രതിഷേധാര്ഹമാണെന്നും മുഖ്യമന്ത്രി പറഞ്ഞു.നിലവില് സതേണ് റെയില്വേയില് ഉള്പ്പെട്ട ഉള്ളാള് മുതല് മംഗലാപുരം വരെയുള്ള പ്രദേശങ്ങള് സൗത്ത് വെസ്റ്റേണ് റെയില്വേയില് ലയിക്കുന്നതോടെ സതേണ് റെയില്വേക്കും കേരളത്തിനും വലിയ നഷ്ടമാണ് സംഭവിക്കുന്നത്. സംസ്ഥാനത്തെ അറിയിക്കുകയോ ഏതെങ്കിലും തരത്തിലുള്ള ചര്ച്ചകള് നടത്തുകയോ ചെയ്യാതെയാണ് പാലക്കാട് ഡിവിഷനെ വിഭജിക്കാന് തീരുമാനിച്ചിരിക്കുന്നത്.തീരുമാനം പുനഃപരിശോധിക്കണമെന്നത് കേരളത്തിന്റെ ഒറ്റക്കെട്ടായ ആവശ്യമാണ്.അടിയന്തര പ്രശ്നപരിഹാരം ആവശ്യപ്പെട്ട് കേന്ദ്രസര്ക്കാരിനെ സമീപിക്കും. പ്രധാനമന്ത്രിക്കും കേന്ദ്ര റെയില്വെ മന്ത്രിക്കും കത്തയയ്ക്കും. സംസ്ഥാനത്തെ എംപിമാരുടെ കൂടി സഹകരണത്തോടെ തീരുമാനം പുനഃപരിശോധിക്കാന് കേന്ദ്ര സര്ക്കാരിന് മേല് സമ്മര്ദം ചെലുത്തുമെന്നും മുഖ്യമന്ത്രി പറഞ്ഞു. Content Highlights:Opposition leader VD Satheesan strongly protested the Railway Board’s unilateral decision to exclude Mangaluru Junction from the Palakkad Division. He stated that merging key areas with South Western Railway will cause severe revenue loss to Kerala and Southern Railway. The state will urge the Centre and write to the Prime Minister to reconsider the move.