Power Tariff Increase: ਆਮ ਜਨਤਾ ਨੂੰ ਵੱਡਾ ਝਟਕਾ ਲੱਗਣ ਵਾਲਾ ਹੈ। ਜਾਣਕਾਰੀ ਲਈ ਦੱਸ ਦੇਈਏ ਕਿ 1 ਸਤੰਬਰ ਤੋਂ ਬਿਜਲੀ ਮਹਿੰਗੀ ਹੋਣ ਵਾਲੀ ਹੈ। ਦਰਅਸਲ, ਬਿਜਲੀ ਕੱਟਾਂ ਅਤੇ ਸੰਕਟ ਦਾ ਸਾਹਮਣਾ ਕਰ ਰਹੇ ਜੰਮੂ-ਕਸ਼ਮੀਰ ਦੇ ਲੋਕਾਂ ਨੂੰ ਹੁਣ ਮਹਿੰਗਾਈ ਦਾ ਇੱਕ ਹੋਰ ਝਟਕਾ ਲੱਗਣ ਵਾਲਾ ਹੈ। ਦੱਸ ਦਈਏ ਕਿ ਇੱਕ ਵੱਡਾ ਫੈਸਲਾ ਲੈਂਦੇ ਹੋਏ, ਸੰਯੁਕਤ ਬਿਜਲੀ ਰੈਗੂਲੇਟਰੀ ਕਮਿਸ਼ਨ (JERC) ਨੇ ਬਿਜਲੀ ਦਰਾਂ ਵਿੱਚ 6.83 ਫੀਸਦ ਵਾਧੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।ਜਾਣਕਾਰੀ ਅਨੁਸਾਰ, ਕਮਿਸ਼ਨ ਦੁਆਰਾ 20 ਅਗਸਤ ਨੂੰ ਜਾਰੀ ਕੀਤਾ ਗਿਆ ਨਵਾਂ ਟੈਰਿਫ ਆਰਡਰ 1 ਸਤੰਬਰ, 2026 ਤੋਂ ਲਾਗੂ ਹੋਵੇਗਾ ਅਤੇ 31 ਮਾਰਚ, 2027 ਤੱਕ ਲਾਗੂ ਰਹੇਗਾ। ਇਹ ਵਾਧਾ ਜੰਮੂ ਪਾਵਰ ਡਿਸਟ੍ਰੀਬਿਊਸ਼ਨ ਕਾਰਪੋਰੇਸ਼ਨ ਲਿਮਟਿਡ (JPDCL) ਅਤੇ ਕਸ਼ਮੀਰ ਪਾਵਰ ਡਿਸਟ੍ਰੀਬਿਊਸ਼ਨ ਕਾਰਪੋਰੇਸ਼ਨ ਲਿਮਟਿਡ (KPDCL) ਦੋਵਾਂ ਦੇ ਖਪਤਕਾਰਾਂ 'ਤੇ ਲਾਗੂ ਹੋਵੇਗਾ। ਆਮ ਆਦਮੀ ਲਈ ਰਾਹਤ, ਵੱਡੇ ਖਪਤਕਾਰਾਂ 'ਤੇ ਵਧੇਗਾ ਬੋਝਨਵੇਂ ਟੈਰਿਫਾਂ ਨੂੰ ਮਨਜ਼ੂਰੀ ਦਿੰਦੇ ਹੋਏ, ਕਮਿਸ਼ਨ ਨੇ ਘਰੇਲੂ ਖਪਤਕਾਰਾਂ, ਗਰੀਬੀ ਰੇਖਾ ਤੋਂ ਹੇਠਾਂ (ਬੀਪੀਐਲ) ਪਰਿਵਾਰਾਂ ਅਤੇ ਛੋਟੇ ਖੇਤੀਬਾੜੀ ਖਪਤਕਾਰਾਂ ਲਈ ਸਬਸਿਡੀ ਵਾਲੀਆਂ ਦਰਾਂ ਨੂੰ ਬਰਕਰਾਰ ਰੱਖਿਆ, ਜਦਕਿ ਉਦਯੋਗਿਕ ਟੈਰਿਫਾਂ ਨੂੰ ਨਿਯਮਾਂ ਅਧਾਰਿਤ ਬਣਾਇਆ ਅਤੇ ਉੱਚ ਵੋਲਟੇਜ ਦੀ ਵਰਤੋਂ ਕਰਨ ਵਾਲੇ ਖਪਤਕਾਰਾਂ ਨੂੰ ਵੋਲਟੇਜ-ਵਾਰ ਲਾਭ ਪ੍ਰਦਾਨ ਕੀਤੇ ਗਏ ਹਨ। ਇਸਦਾ ਮਤਲਬ ਹੈ ਕਿ ਤੁਹਾਡਾ ਅੰਤਿਮ ਬਿੱਲ ਤੁਹਾਡੀ ਸ਼੍ਰੇਣੀ, ਬਿਜਲੀ ਦੀ ਖਪਤ, ਮਨਜ਼ੂਰ ਲੋਡ, ਅਤੇ ਵੱਡੇ ਖਪਤਕਾਰਾਂ ਲਈ, ਬਿਜਲੀ ਦੀ ਵਰਤੋਂ ਦੇ ਸਮੇਂ 'ਤੇ ਨਿਰਭਰ ਕਰੇਗਾ।ਜਾਣੋ ਬੀਪੀਐਲ ਘਰਾਂ ਲਈ ਨਵੀਆਂ ਦਰਾਂ ਬਾਰੇ ਡਿਟੇਲ ਬੀਪੀਐਲ ਖਪਤਕਾਰਾਂ ਲਈ 30 ਯੂਨਿਟ ਪ੍ਰਤੀ ਮਹੀਨਾ ਤੱਕ ਖਪਤ ਕਰਨ ਵਾਲੇ ਯੋਗ ਬੀਪੀਐਲ ਘਰੇਲੂ ਖਪਤਕਾਰਾਂ ਲਈ, ਊਰਜਾ ਚਾਰਜ 1.40 ਰੁਪਏ ਪ੍ਰਤੀ ਯੂਨਿਟ ਅਤੇ ਸਥਿਰ ਚਾਰਜ 5 ਰੁਪਏ ਪ੍ਰਤੀ ਕਿਲੋਵਾਟ ਪ੍ਰਤੀ ਮਹੀਨਾ ਨਿਰਧਾਰਤ ਕੀਤਾ ਗਿਆ ਹੈ। ਇਹ ਰਿਆਇਤ ਸਿਰਫ਼ ਉਨ੍ਹਾਂ ਖਪਤਕਾਰਾਂ ਲਈ ਉਪਲਬਧ ਹੋਵੇਗੀ ਜਿਨ੍ਹਾਂ ਕੋਲ ਸਮਰੱਥ ਅਧਿਕਾਰੀ ਦੁਆਰਾ ਜਾਰੀ ਕੀਤਾ ਗਿਆ ਵੈਧ ਬੀਪੀਐਲ ਸਰਟੀਫਿਕੇਟ ਹੈ। 30 ਯੂਨਿਟਾਂ ਤੋਂ ਵੱਧ ਖਪਤ ਦਾ ਬਿੱਲ ਲਾਗੂ ਘਰੇਲੂ ਸਲੈਬ ਅਨੁਸਾਰ ਲਿਆ ਜਾਵੇਗਾ।ਮੀਟਰ ਵਾਲੇ ਘਰੇਲੂ ਖਪਤਕਾਰਾਂ ਲਈ ਸਥਿਰ ਦਰਾਂ0 ਤੋਂ 200 ਯੂਨਿਟ: 2.45 ਰੁਪਏ ਪ੍ਰਤੀ ਯੂਨਿਟ201 ਤੋਂ 400 ਯੂਨਿਟ: 4.20 ਰੁਪਏ ਪ੍ਰਤੀ ਯੂਨਿਟ400 ਯੂਨਿਟ ਤੋਂ ਵੱਧ: 4.60 ਰੁਪਏ ਪ੍ਰਤੀ ਯੂਨਿਟ ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।