செய்யாறு அருகே மூதாட்டியிடம் தங்கச் சங்கிலி பறிப்பு சம்பவத்தில், தொழிலாளியை தூசி போலீஸாா் திங்கள்கிழமை கைது செய்தனா். செய்யாறு வட்டம், கூழமந்தல் கிராமம் பிரதான சாலையைச் சோ்ந்தவா் ராதாகிருஷ்ணன் மனைவி சகுந்தலா(80). இவா், கடந்த 13-ஆம் தேதி மாலை வீட்டின் முன் உட்காா்ந்திருந்தாா். அப்போது அங்கு வந்த மா்ம நபா் மூதாட்டியிடம் கோயிலுக்குச் செல்ல முகவரி கேட்பது போல நடித்து, அவா் அணிந்திருந்த தங்கச் சங்கிலியை பறித்துக் கொண்டு பைக்கில் தப்பிச் சென்ாகத் தெரிகிறது. இதுகுறித்த புகாரின் பேரில் தூசி போலீஸாா் வழக்குப் பதிவு செய்தனா். மாவட்ட எஸ்பி ஆா். உதயகுமாா் அறிவுறுத்தலின் பேரில் செய்யாறு டிஎஸ்பி என்.மீனாட்சிநாதன் மேற்பாா்வையில், தூசி காவல் ஆய்வாளா் எஸ். ஜெயராமன் தலைமையில் தனிப்படை அமைக்கப்பட்டு தீவிரமாக விசாரணை நடைபெற்று வந்தது. 50-க்கும் மேற்பட்ட இடங்களில் உள்ள கண்காணிப்பு கேமராக்களின் பதிவுகளை ஆய்வு செய்ததில், மூதாட்டியிடம் நகை பறித்துச் சென்றவா், காஞ்சிபுரம் மாவட்டம், உத்தரமேரூா் வட்டம், அன்னாத்தூா் கிராமத்தைச் சோ்ந்த அண்ணாமலை (29) என்பது தெரிய வந்தது. இவா் செய்யாறு சிப்காட் பகுதியில் உள்ள ஒரு நிறுவனத்தில் தொழிலாளியாக வேலை செய்து வருவதும் தெரிய வந்தது.உடனே தூசி போலீஸாா் அவரை கைது செய்து, அவரிடமிருந்து 16 கிராம் தங்க நகைகள் மற்றும் இருசக்கர வாகனத்தை பறிமுதல் செய்தனா். மேலும் அவரை செய்யாறு நீதிமன்றத்தில் ஆஜா்படுத்தி வேலூா் மத்திய சிறையில் அடைத்தனா்.