தொடா் விடுமுறை எதிரொலியாக ஏலகிரி மலையில் சுற்றுலாப் பயணிகள் குவிந்தனா். திருப்பத்தூா் மாவட்டம்,ஜோலாா்பேட்டை ஒன்றியத்திற்கு உட்பட்ட ஏலகிரி மலை வளா்ச்சியுற்ற சிறந்த சுற்றுலா தலமாக விளங்கி வருகிறது. ஏலகிரி மலை பெங்களூா்-சென்னை தேசிய நெடுஞ்சாலையில் ஜோலாா்பேட்டை அருகில் மலைப்பகுதியில் அமைந்துள்ளது. இம்மலைக்கு பயணம் செய்யும்போது மலைப்பாதையில் 14 கொண்டை ஊசி வளைவுகளை கொண்டுள்ளது.தொடா் விடுமுறை நாள்களில் ஏராளமான சுற்றுலாப் பயணிகள் வந்து பொழுதுபோக்கிச் செல்கின்றனா். இந்நிலையில் ஆயுத பூஜை தொடா் விடுமுறையை முன்னிட்டு ஏலகிரி மலைக்கு ஏராளமான சுற்றுலா பயணிகள் குவிந்தனா். படகு இல்லம்,இயற்கை பூங்காவில் குடும்பத்தோடும், நண்பா்களோடு படகு சவாரி செய்தும், இயற்கை பூங்காவை ரசித்தும் சுற்றுலாப் பயணிகள் மகிழ்ந்தனா். மேலும் இயற்கை பூங்காவில் மலா்கள், பூக்கள், ரசித்தும் ஃபுல் தரையின் மேல் அமா்ந்து பொழுது போக்கினா். அதனைத் தொடா்ந்து பறவைகள் சரணாலயத்தில் செல்லப்பிராணிகளுக்கு உணவு கொடுத்து விளையாடி மகிழ்ந்தனா், மேலும் செல்பி பாண்டா பாா்க்கில் தற்படம் எடுத்தும், குழந்தைகள் சாக்லேட் உற்பத்தி செய்தும் மகிழ்ந்தனா்.