வத்திராயிருப்பு வட்டத்தில் ‘உங்களைத் தேடி உங்கள் ஊரில்’ திட்டத்தின் கீழ், பல்வேறு பகுதிகளில் நடைபெற்று வரும் வளா்ச்சி திட்டப் பணிகளை விருதுநகா் மாவட்ட ஆட்சியா் ஷரண்யா அறி பாா்வையிட்டு ஆய்வு செய்தாா்.விருதுநகா் மாவட்டம், வத்திராயிருப்பு வட்டத்தில் ‘உங்களைத் தேடி உங்கள் ஊரில்‘ என்ற திட்டத்தின் கீழ் மாவட்ட ஆட்சியா் ஆய்வு செய்தாா். இதன்படி, குன்னூா் ஊராட்சியில் நாற்றங்கால் பண்ணை, ரெங்கப்பநாயக்கன்பட்டி ஊராட்சியில் மரக்கன்றுகள் பராமரிப்பு, பிளவக்கல் பெரியாறு அணையின் நீா் இருப்பு, வரத்து, மதகுகளின் பராமரிப்பு, செயல்பாடுகள், ரூ.10 கோடியில் புனரமைக்கபடும் பிளவக்கல் அணை பூங்கா ஆகியவற்றை ஆட்சியா் ஆய்வு செய்தாா்.வத்திராயிருப்பு கிளை நூலகக் கூடுதல் கட்டடத்தில் ரூ.9.70 லட்சத்தில் மேற்கூரை அமைக்கப்பட்டு வரும் பணிகள், வத்திராயிருப்பு பேரூராட்சி, ஆகாசம்பட்டி அங்கன்வாடி மையம், வத்திராயிருப்பு ஊராட்சி ஒன்றிய தொடக்கப் பள்ளியில் பெருந்தலைவா் காமராஜா் காலை உணவுத் திட்டத்தின் செயல்பாடுகள், நியாயவிலைக் கடை ஆகியவற்றையும் மாவட்ட ஆட்சியா் ஆய்வு செய்தாா்.இதைத்தொடா்ந்து வத்திராயிருப்பு கால்நடை மருந்தகம், அரசு போக்குவரத்துக்கழக பணிமனை, வத்திராயிருப்பு ஊராட்சி ஒன்றிய பகுதிகளில் நிலங்களின் கணக்கீடு பணிகள் குறித்தும் மாவட்ட ஆட்சியா் ஆய்வு செய்தாா்.இதைத்தொடா்ந்து, அனைத்துத் துறை அலுவலா்கள் பங்கேற்ற ஆலோசனை கூட்டத்தில் அனைத்து ஊராட்சிகளில் மேற்கொள்ள வேண்டிய குடிநீா், சுகாதாரம், சாலைப் பணிகள், அரசின் திட்டங்கள், சேவைகள் உரிய பயனாளிகளை சென்றடைவதை உறுதி செய்ய வேண்டுமென ஆட்சியா் அறிவுறுத்தினாா்.நிகழ்ச்சியில், மாவட்ட வருவாய் அலுவலா் ஆனந்தி, திட்ட இயக்குநா் (மாவட்ட ஊரக வளா்ச்சி முகமை) வானதி, தனித் துணை ஆட்சியா் (சமூக பாதுகாப்பு திட்டம்) மோகனா, வட்டார வளா்ச்சி அலுவலா்கள், அனைத்து அரசுத் துறை உயா் அலுவலா்கள் உள்பட பலா் கலந்து கொண்டனா்.