காங்கயம் அருகே விஷ மாத்திரை சாப்பிட்டு தொழிலாளி தற்கொலை செய்து கொண்டாா். திருச்சி மாவட்டம், சுக்கம்பட்டி பகுதியைச் சோ்ந்தவா் பாலு மகன் அஜித் (26). இவா், தனது மனைவி மல்லிகாவுடன் காங்கயத்தை அடுத்துள்ள நத்தக்காடையூா் அருகே மேலப்பாளையத்தில் தங்கியிருந்து, அங்குள்ள விசைத்தறிக் கூடத்தில் வேலை செய்து வந்தாா். கணவன் மனைவிக்கு இடையே அடிக்கடி தகராறு ஏற்பட்டு வந்ததாக கூறப்படுகிறது.இந்நிலையில், செவ்வாய்க்கிழமை மாலை அஜித், தான் தென்னை மரத்துக்கு பயன்படுத்தும் விஷ மாத்திரையை சாப்பிட்டுவிட்டதாக, அவா் வேலை செய்து வந்த விசைத்தறி உரிமையாளருக்கு தகவல் தெரிவித்துள்ளாா்.உடனடியாக அவரை மீட்டு, சிகிச்சைக்காக காங்கயம் அரசு மருத்துவமனைக்கு கொண்டுச் சென்றனா். அங்கு முதலுதவி சிகிச்சை அளிக்கப்பட்டு, பின்னா் உயா் சிகிச்சைக்காக திருப்பூா் அரசு மருத்துவமனைக்கு கொண்டுச் செல்லும் வழியில் அவா் உயிரிழந்தாா்.இது குறித்த புகாரின் பேரில் காங்கயம் போலீஸாா் வழக்குப் பதிவு செய்து விசாரணை நடத்தி வருகின்றனா்.