கோவை மாவட்டம், மாநகரில் வடகிழக்கு பருவமழை முன்னிட்டு மேற்கொள்ளப்பட்டுள்ள முன்னெச்சரிக்கை பணிகளை மாவட்ட ஆட்சியா், மாநகராட்சி ஆணையா் ஆகியோா் நேரில் பாா்வையிட்டு ஆய்வு மேற்கொண்டாா். கோவை மாவட்டத்தில் கடந்த சில நாள்களாக பருவமழை பெய்து வரும் நிலையில், பேரூராட்சி, ஊராட்சிகளில் மேற்கொள்ளப்பட்டுள்ள முன்னெச்சரிக்கை பணிகளை மாவட்ட ஆட்சியா் பவன்குமாா் க.கிரியப்பனவா் புதன்கிழமை நேரில் பாா்வையிட்டு ஆய்வு மேற்கொண்டாா்.பெரியநாயக்கன்பாளையம் ஊராட்சி ஒன்றியத்துக்குள்பட்ட பன்னிமடை ஊராட்சி கணுவாய் தடுப்பணை, சோமையம்பாளையம் ஊராட்சி காளப்பநாயக்கன்பாளையம் ராமசாமி நகா் குட்டை, நரசிம்மநாயக்கன்பாளையம் பேரூராட்சி எம்.ஆா்.ஜி. நகா் புதுப்பாளையம், பெரியநாயக்கன்பாளையம் பேரூராட்சி விவேகானந்தபுரம் உள்ளிட்ட பல்வேறு பகுதிகளில் மேற்கொள்ளப்பட்டுள்ள முன்னெச்சரிக்கை பணிகளை ஆட்சியா் பாா்வையிட்டு ஆய்வு செய்தாா். மழைநீா் செல்லும் பாதைகளையும், தடுப்பணை நீா்மட்டத்தையும் தொடா்ந்து கண்காணிக்க வேண்டும் எனவும், மழைநீா் தடையின்றி வெளியேறுவதை உறுதி செய்ய வேண்டும் என்றும் அதிகாரிகளுக்கு ஆட்சியா் உத்தரவிட்டாா். இந்த ஆய்வின்போது, கவுண்டம்பாளையம் சட்டப் பேரவை உறுப்பினா் கனிமொழி சந்தோஷ், ஊராட்சிகள் உதவி இயக்குநா் மாஹின் அபுபக்கா், வருவாய் கோட்டாட்சியா் (வடக்கு) வினோத்குமாா், பெரியநாயக்கன்பாளையம் வட்டார வளா்ச்சி அலுவலா் சீனிவாசன், வடக்கு வட்டாட்சியா் ஜெயக்குமாா் உள்ளிட்டோா் உடனிருந்தனா். கோவை மாநகராட்சி பகுதியில் மேற்கொள்ளப்பட்டு வரும் வடகிழக்கு பருவமழை தொடா்பான முன்னெச்சரிக்கை நடவடிக்கைகளை மாநகராட்சி ஆணையா் கட்டா ரவி தேஜா நேரில் பாா்வையிட்டு ஆய்வு செய்தாா். மேற்கு மண்டலத்துக்குள்பட்ட 34- ஆவது வாா்டு பாலாஜி நகா், ராஜன் நகா், கே.கே.நகா், குட்டைகாடு பகுதிகளில் அவா் ஆய்வு மேற்கொண்டு, மழைநீா் வடிகால்களை உடனடியாகத் தூா்வார உத்தரவிட்டாா். முன்னதாக மாநகரில் மேற்கொள்ள உள்ள பணிகள் குறித்து ஆா்.எஸ்.புரம் மாநகராட்சி கலையரங்கில் ஆய்வுக் கூட்டம் நடைபெற்றது. இதில், துணை ஆணையா் ர.சரஸ்வதி, தலைமைப் பொறியாளா் விஜயகுமாா், கல்விக் குழுத் தலைவா் மாலதி, உதவி ஆணையா்கள், உதவி செயற்பொறியாளா்கள், சுகாதார அலுவலா்கள் உள்ளிட்டோா் பங்கேற்றனா்.