ایپل کے پہلے فولڈیبل اسمارٹ فون آئی فون ڈیو (iPhone Duo) کی ہندوستانی بازار میں فروخت شروع ہوتے ہی اس کی زبردست مانگ دیکھنے کو ملی ہے۔ کوئیک کامرس پلیٹ فارم بلنکٹ (Blinkit) پر فروخت شروع ہونے کے محض 5 منٹ کے اندر ہی یہ پریمیم اسمارٹ فون آؤٹ آف اسٹاک ہو گیا۔ اس فون کی ابتدائی قیمت 299900 روپے ہے، جب کہ اس کے سب سے مہنگے ماڈل کی قیمت 449900 روپے تک ہے۔بلنکٹ کے بانی البندر ڈھنڈسا نے سوشل میڈیا پلیٹ فارم ایکس پر ایک پوسٹ کے ذریعے اس کی اطلاع دی۔ انہوں نے بتایا کہ جمعہ کی صبح 8 بج کر 15 منٹ پر دہلی-این سی آر کے صارفین کے لیے آئی فون ڈیو کی فروخت شروع کی گئی تھی۔ محض 5 منٹ میں فروخت کے لیے دستیاب تمام یونٹ ختم ہو گئے۔ڈھنڈسا نے کہا کہ کمپنی آنے والے ہفتوں میں مزید اسٹاک دستیاب کرانے کے لیے کام کر رہی ہے۔ تاہم، انہوں نے یہ نہیں بتایا کہ بلنکٹ پر فروخت کے لیے اس فون کے کتنے یونٹ رکھے گئے تھے۔ایپل اسٹورز کے باہر بھی لمبی قطاریںآئی فون ڈیو کی فروخت شروع ہونے کے ساتھ ہی ملک بھر میں ایپل اسٹورز کے باہر بھی صارفین کی بھیڑ دیکھی گئی۔ دہلی کے ساکیت علاقے میں واقع سلیکٹ سٹی واک مال کے ایپل اسٹور کے باہر بڑی تعداد میں لوگ جمع ہوئے۔ صارفین تقریباً 3 لاکھ روپے کی ابتدائی قیمت والے اس فون کو خریدنے کے لیے بے تاب نظر آئے۔بلنکٹ کے بانی کی پوسٹ پر سوشل میڈیا صارفین نے مختلف ردعمل بھی دیے۔ بعض لوگوں نے سوال اٹھایا کہ آخر بلنکٹ پر اس فون کے کتنے یونٹ فروخت کے لیے دستیاب تھے۔ کچھ صارفین نے مذاق میں پوچھا کہ کیا کمپنی نے صرف 2 یا 5 فون ہی فروخت کے لیے رکھے تھے؟ دیگر صارفین نے اتنی زیادہ قیمت کے باوجود فون کی مانگ پر حیرت کا اظہار کیا۔ ایک صارف نے تبصرہ کیا کہ اس سے ظاہر ہوتا ہے کہ ہندوستان واقعی ایک امیر ملک بن چکا ہے۔آئی فون ڈیو کی خصوصیات کیا ہیں؟ایپل کا یہ پہلا فولڈیبل آئی فون ہے۔ اس میں اندر کی جانب 7.6 انچ کی لچک دار فولڈیبل اسکرین دی گئی ہے، جب کہ فون بند ہونے پر باہر کی جانب 5.4 انچ کی کور اسکرین دستیاب ہوتی ہے۔ کمپنی نے فون کو مضبوط بنانے کے لیے اس میں ٹائٹینیم فریم استعمال کیا ہے۔اس اسمارٹ فون میں ایپل کا نیا A20 پرو پروسیسر دیا گیا ہے، جس کے بارے میں دعویٰ کیا گیا ہے کہ یہ بھاری گرافکس اور ایک ساتھ کئی کام کرنے کی صلاحیت رکھتا ہے۔ فوٹوگرافی کے لیے اس میں 48 میگا پکسل کا ڈوئل فیوژن کیمرا سسٹم موجود ہے۔آئی فون ڈیو کی قیمتیںہندوستان میں آئی فون ڈیو کو اسٹوریج کے چار ویریئنٹس میں پیش کیا گیا ہے۔ اس کے 256 جی بی ماڈل کی قیمت 299900 روپے، 512 جی بی ماڈل کی قیمت 324900 روپے اور 1 ٹی بی ماڈل کی قیمت 374900 روپے ہے۔ فون کے سب سے مہنگے ماڈل کی قیمت 449900 روپے رکھی گئی ہے۔