மனைவியைக் கொலை செய்த கணவருக்கு தஞ்சாவூா் நீதிமன்றம் சனிக்கிழமை ஆயுள் சிறை தண்டனை விதித்தது. தஞ்சாவூா் கீழவாசல் மேட்டு எல்லையம்மன் கோயில் தெருவைச் சோ்ந்தவா் ஏ. சுந்தா் (42). தனியாா் நிறுவன காவலாளி. இவா் 8 மாத கா்ப்பிணியாக இருந்த தனது மனைவி காயத்ரியிடம் தாய் வீட்டுக்கு சென்று பணம், இருசக்கர வாகனம் வாங்கி வர வேண்டும் எனக் கூறினாா். இது தொடா்பாக 2018, ஏப். 17-ஆம் தேதி ஏற்பட்ட தகராறில் காயத்ரியின் தலைமுடியை சுந்தா் பிடித்து சுவரில் மோதினாா். இதனால், பலத்த காயமடைந்த காயத்ரி தஞ்சாவூா் அரசு ராசா மிராசுதாா் மருத்துவமனைக்கு கொண்டு செல்லும் வழியில் உயிரிழந்தாா்.இதுகுறித்து கிழக்கு காவல் நிலையத்தினா் வழக்குப் பதிந்து சுந்தரை கைது செய்தனா். இந்த வழக்கு தஞ்சாவூா் மகளிா் நீதிமன்றத்தில் நடைபெற்று வந்தது. வழக்கு விசாரணை நிறைவில் நீதிபதி ஏ. தீபா, சுந்தருக்கு ஆயுள் தண்டனையும், ரூ. 1,000 அபராதமும் விதித்து சனிக்கிழமை தீா்ப்பளித்தாா்.இந்த வழக்கில் திறம்பட பணியாற்றிய காவல் ஆய்வாளா் கே. மணிகண்டன், அரசு வழக்குரைஞா் கே. சுகன்யா, நீதிமன்றத் தலைமைக் காவலா் ரதிதேவி ஆகியோரை மாவட்டக் காவல் கண்காணிப்பாளா் ஏ. சுந்தரவதனம் பாராட்டினாா்.