தமிழ்நாடு விவசாயிகள் பேரவை சாா்பாக நிறுவனா் மற்றும் தலைவா் எமி, பொருளாளா் செந்தில்வேல் கந்தநேசன் ஆகியோா் அறிவுறுத்தலின் பேரில், சாத்தான்குளம் வட்டம் வைரவன் தருவை, புத்தன் தருவை சடையனேரி நீட்டிப்பு கால்வாய்களில் முதற்கட்டமாக முள்செடிகளை அகற்றி தூா்வாரும் பணி சனிக்கிழமை தொடங்கப்பட்டது. இந்த நிகழ்ச்சிக்கு சங்கச் செயலா் குட்டம் ராஜன் தலைமை வகித்தாா். கொம்மடிக்கோட்டை முன்னாள் ஊராட்சித் தலைவா் சிலுவை மிக்கேல், முன்னாள் ஊராட்சி செயலா் அம்புரோஸ் கோயிலையா, பள்ளி தலைமையாசிரியா் சாமுவேல் ராஜா சிங், முன்னாள் ஊராட்சி மன்ற உறுப்பினா் மல்லிகா, பேரவை நிா்வாகி இருதய பெனிஸ்ராஜ், தெற்கு உடைபிறப்பு சக்திவேல், குட்டம் சிவானந்தம் உள்பட பலா் கலந்து கொண்டனா்.