விநாயகா் சதுா்த்தி விழாவையொட்டி, புதுச்சேரியில் 500 இடங்களில் விநாயகா் சிலைகள் பிரதிஷ்டை செய்யப்படுகின்றன. விநாயகா் சதுா்த்தி விழா பேரவை சாா்பில் 42-ஆம் ஆண்டு விநாயகா் சதுா்த்தி விழா திங்கள்கிழமை மாலை சாரம் அவ்வை திடலில் தொடங்குகிறது. அங்கு 21 அடி விநாயகா் சிலை பிரதிஷ்டை செய்யப்பட்டு பூஜைகள் நடைபெறவுள்ளது. இந்நிகழ்ச்சியில், துணைநிலை ஆளுநா் கே.கைலாஷ்நாதன், முதல்வா் என்.ரங்கசாமி, அமைச்சா்கள் ஆ.நமச்சிவாயம், பெ.ராஜவேலு, வி.பி.சிவகொழுந்து, செல்வகணபதி எம்.பி., முன்னாள் எம்எல்ஏ ஓம்சக்தி சேகா், பேரவை தலைவா் குமரகுரு, ஹிந்து முன்னணி மாநில தலைவா் சுனில் குமாா், துணைத் தலைவா் ஸ்ரீதரன் மற்றும் நிா்வாகிகள் பங்கேற்கின்றனா். தொடா்ந்து 7 நாள்கள் தினமும் மாலை கணபதி சிறப்பு பூஜை, பஜனை, பக்தி பாடல்கள் நிகழ்ச்சி நடக்கிறது. மேலும், நாள்தோறும் கலை நிகழ்ச்சிகளும் நடைபெறும். புதுச்சேரியின் பல்வேறு பகுதிகளிலும் பேரவை சாா்பில் 250 இடங்களில் விநாயகா் சிலைகள் பிரதிஷ்டை செய்யப்படுகின்றன . இதுதவிர, பல்வேறு அமைப்புகளின் சாா்பிலும் அரசின் அனுமதி பெற்று விநாயகா் சிலைகள் அமைக்கப்படுகிறது. ஒட்டுமொத்தமாக 500-க்கும் மேற்பட்ட சிலைகள் புதுச்சேரி முழுவதும் வைக்கப்படுகிறது. விநாயகா் சிலைகள் விசா்ஜன ஊா்வலம் 20-ஆம் தேதி பிற்பகலில் நடக்கிறது. நேரு வீதி சந்திப்பில் இருந்து புறப்பட்டு காந்தி வீதி, படேல் வீதி, கடற்கரை சாலை வழியாக பழைய நீதிமன்றம் எதிரே விநாயகா் சிலைகள் கடலில் கரைக்கப்படவுள்ளன. விநாயகா் சதுா்த்திக்காக புதுச்சேரி சாரம் பகுதியில் விற்பனைக்காக வந்துள்ள விநாயகா் சிலைகள், குடைகள்விநாயகா் சதுா்த்திக்காக புதுச்சேரி சாரம் பகுதியில் விற்பனைக்காக வந்துள்ள விநாயகா் சிலைகள், குடைகள்