ඉන්දීය ආරක්ෂක අමාත්ය රාජ්නාත් සිං අද (සැප්: 8) සිට සැප්තැම්බර් 10 වන දා දක්වා ශ්රී ලංකාවේ නිල සංචාරයක නිරත වෙයි. ඉන්දීය ආරක්ෂක අමාත්ය රාජ්නාත් සිං, එරට ආණ්ඩුවේ මෙන් ම පාලක භාරතීය ජනතා පක්ෂයේ දෙවන ජ්යෙෂ්ඨතම දේශපාලඥයා ලෙස සැලකේ. ඉන්දීය ආරක්ෂක අමාත්යවරයාගේ ශ්රී ලංකා සංචාරයේදී ගුවන් ආරක්ෂණ පද්ධති සම්බන්ධයෙන් ඇතිවිය හැකි සහයෝගීතාවය පිළිබඳව අවධානය යොමු කෙරෙනු ඇති බව ඉන්දීය ආරක්ෂක අමාත්යාංශයේ මූලාශ්ර උපුටා දක්වමින් 'ද හින්දු' වෙබ් අඩවිය වාර්තා කර සිටියි.