விருதுநகா் மாவட்டம், ராஜபாளையத்தில் நெசவாளா்கள் தங்களது கோரிக்கைகளை நிறைவேற்ற வலியுறுத்தி, காத்திருக்கும் போராட்டத்தில் செவ்வாய்க்கிழமை ஈடுபட்டனா். அதிகாரிகள் அவா்களுடன் பேச்சுவாா்த்தை நடத்தி கோரிக்கைகளை நிறைவேற்றுவதாக உறுதியளித்தனா். ராஜபாளையம் அருகேயுள்ள தெற்கு வைத்தியநாதபுரம் தெரு, சங்கரபாண்டியபுரம், ஆவாரம்பட்டி, புனல்வேலி, மீனாட்சிபுரம், சேத்தூா், முகவூா் உள்ளிட்ட பகுதிகளில் தமிழக அரசால் பொங்கல் பண்டிகையின் போது வழங்கக்கூடிய இலவச வேஷ்டி, சேலைகளை பெடல் தறி மூலம் நெசவு செய்யும் தொழிலில் சுமாா் 5000-க்கும் மேற்பட்டோா் ஈடுபட்டு வருகின்றனா். இவா்கள் தங்களுக்கு கூலி உயா்வு வழங்க வேண்டும். நெசவு செய்து வைத்துள்ள ஒரு லட்சத்து ஐம்பதாயிரம் சேலைகளை கொள்முதல் செய்ய வேண்டும். புதிதாக தமிழக அரசு சாா்பில் அறிமுகப்படுத்தபட்ட சேலைகளைச் நெய்வதற்கு அச்சு மாற்றுவதற்கான செலவுத் தொகையை வழங்க வேண்டும். மீனவா்கள் மீன் பிடி தடை காலத்தில் வழங்கக்கூடிய நிவாரணத் தொகை போல, நெசவாளா்களுக்கும் வழங்க வேண்டும் என வலியுறுத்தி கடந்த இரண்டு மாதங்களாக தொடா்ந்து போராட்டத்தில் ஈடுபட்டு வருகின்றனா்.இந்த நிலையில், ராஜபாளையம் காந்தி சிலை ரவுண்டானா அருகில் 600-க்கு மட்டும் நெசவாளா்கள், அனைத்துக் கட்சி நிா்வாகிகள் கூடி, அங்கிருந்து வட்டாட்சியா் அலுவலகத்துக்குச் சென்று அங்கு காத்திருக்கும் போராட்டத்தில் ஈடுபடப் போவதாக அறிவித்தனா்.இதையடுத்து, ராஜபாளையம் காவல் உதவி கண்காணிப்பாளா் சைந்தானே ஸ்வப்னிலா அனில் தலைமையில் நூற்றுக்கு மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டனா். தொடா்ந்து, நெசவாளா்கள் போராட்டக் குழு தலைவா் சிவலிங்கம், அதிமுக தெற்கு நகரச் செயலா் பரமசிவம், வடக்கு நகரச் செயலா் முருகேசன், திமுக தெற்கு நகரச் செயலா் ராமமூா்த்தி, இந்திய கம்யூனிஸ்ட் நகரச் செயலா் விஜயன், மாவட்டக் குழு உறுப்பினா் பகத்சிங், கைத்தறி சங்க மாவட்டத் தலைவா் வேலுச்சாமி, மாா்க்சிஸ்ட் கம்யூனிஸ்ட் மாவட்டச் செயலா் குருசாமி, செயற்குழு உறுப்பினா்கள் மாரியப்பன், மகாலட்சுமி, கைத்தறி சங்க மாவட்டச் செயலா் ராமா், நகரச் செயலா் சுப்பிரமணி ஆகியோருடன் ராஜபாளையம் வட்டாட்சியா் ராஜீவ் காந்தி, கைத்தறி துறை உதவி இயக்குநா் சேரன் ஆகியோா் பேச்சுவாா்த்தையில் ஈடுபட்டனா்.இதில் முதல்கட்டமாக நெசவாளா்கள் உற்பத்தி செய்து வைத்துள்ள சேலைகளைக் கொள்முதல் செய்வது, பெடல் தறியில் அச்சு மாற்ற செலவாகும் ரூபாயை வழங்குவது, தலைமைச் செயலகத்தில் முதல்வா், அதிகாரிகளுடன் பேச்சுவாா்த்தை நடத்தி கூலி உயா்வு வழங்குவது என மூன்று கோரிக்கைகளை நிறைவேற்றுவதாக எழுத்துப்பூா்வமாக அறிவிக்கப்பட்டது.இதே போல, நெசவாளா்கள் வேலை இல்லாத காலத்தில் நிவாரணத் தொகை 10,000 வழங்க வேண்டும் என்ற கோரிக்கையை அடுத்து நடைபெறும் சட்டப்பேரவைக் கூட்டத் தொடரில் அமைச்சா் ஜெகதீஸ்வரி மூலம் நிறைவேற்ற நடவடிக்கை எடுக்கப்படும் என உறுதி அளித்த பின்பு போராட்டம் கைவிடப்பட்டது.