പ്രശസ്ത സംവിധായകനും ചലച്ചിത്ര നടനും തിരക്കഥാകൃത്തുമായ കെ. ഭാഗ്യരാജിന്റെ നിര്യാണത്തിൽ അഗാധമായ ദുഃഖം രേഖപ്പെടുത്തി പ്രതിപക്ഷ നേതാവ് പിണറായി വിജയൻ. സിനിമാ ലോകത്ത് തന്റേതായ വ്യക്തിമുദ്ര പതിപ്പിച്ച ശ്രദ്ധേയനായ കലാകാരനായിരുന്നു അദ്ദേഹമെന്ന് പിണറായി വിജയൻ പറഞ്ഞു.ഗ്രാമീണ പശ്ചാത്തലത്തിലുള്ള കഥകളിലൂടെയും സ്വാഭാവികമായ നർമ്മത്തിലൂടെയും കുടുംബ പ്രേക്ഷകരുടെ ഹൃദയത്തിൽ ഇടംനേടിയ നിരവധി ചിത്രങ്ങൾ അദ്ദേഹത്തിന്റേതായുണ്ടെന്നും പ്രതിപക്ഷ നേതാവ് പറഞ്ഞു. സിനിമയ്ക്ക് പുറമേ സാഹിത്യത്തിലും കഴിവ് തെളിയിച്ച അസാമാന്യ പ്രതിഭയായിരുന്നു അദ്ദേഹം. തമിഴ് പ്രേക്ഷകർക്ക് മാത്രമല്ല, മികച്ച സിനിമകളിലൂടെ മലയാളികൾക്കും ഏറെ പ്രിയപ്പെട്ട കലാകാരനായിരുന്നു അദ്ദേഹമെന്നും പിണറായി വിജയൻ പറഞ്ഞു.Also Read: നടനും സംവിധായകനുമായ കെ ഭാഗ്യരാജ് അന്തരിച്ചുഅദ്ദേഹത്തിന്റെ വിയോഗം സിനിമാലോകത്തിനും സാംസ്കാരിക മേഖലയ്ക്കും നികത്താനാവാത്ത നഷ്ടമാണ്. ഭാഗ്യരാജിന്റെ കുടുംബാംഗങ്ങളുടെയും സുഹൃത്തുക്കളുടെയും അദ്ദേഹത്തെ സ്നേഹിക്കുന്ന എല്ലാവരുടെയും ദുഃഖത്തിൽ പങ്കുചേരുന്നുവെന്നും അദ്ദേഹം പറഞ്ഞു.The post ചലച്ചിത്ര താരം ഭാഗ്യരാജിന്റെ മരണം; ദുഃഖം രേഖപ്പെടുത്തി പ്രതിപക്ഷ നേതാവ് പിണറായി വിജയൻ appeared first on Kairali News | Kairali News Live.