Political News: ਸਿਆਸੀ ਜਗਤ ਵਿੱਚ ਇਸ ਸਮੇਂ ਹਲਚਲ ਮੱਚੀ ਹੋਈ ਹੈ, ਜਿਸ ਨੇ ਰਾਜਨੀਤਿਕ ਗਲਿਆਰਿਆਂ ਵਿੱਚ ਵੱਖਰੀ ਚਰਚਾ ਛੇੜ ਦਿੱਤੀ ਹੈ। ਦੱਸ ਦੇਈਏ ਕਿ ਤਾਮਿਲਨਾਡੂ ਵਿੱਚ ਸਿਆਸੀ ਮਾਹੌਲ ਗਰਮਾਇਆ ਹੋਇਆ ਹੈ। ਦਰਅਸਲ, ਦ੍ਰਵਿੜ ਮੁਨੇਤਰ ਕੜਗਮ (DMK) ਦੀ ਕਈ ਸਾਲਾਂ ਪੁਰਾਣੀ ਸਹਿਯੋਗੀ ਇੰਡੀਅਨ ਯੂਨੀਅਨ ਮੁਸਲਿਮ ਲੀਗ (IUML) ਨੇ ਅਧਿਕਾਰਤ ਤੌਰ 'ਤੇ DMK ਦੀ ਅਗਵਾਈ ਵਾਲੇ ਸੈਕੂਲਰ ਪ੍ਰੋਗ੍ਰੈਸਿਵ ਅਲਾਇੰਸ (SPA) ਤੋਂ ਵੱਖ ਹੋਣ ਦਾ ਫੈਸਲਾ ਕਰ ਲਿਆ ਹੈ। ਇਸ ਤੋਂ ਬਾਅਦ ਹੁਣ ਮੰਨਿਆ ਜਾ ਰਿਹਾ ਹੈ ਕਿ ਹੁਣ ਤੱਕ ਵਿਰੋਧੀ ਇੰਡੀਆ ਗਠਜੋੜ ਦਾ ਹਿੱਸਾ ਰਹੀ DMK ਲਈ NDA ਵਿੱਚ ਸ਼ਾਮਲ ਹੋਣ ਦਾ ਰਸਤਾ ਸਾਫ਼ ਹੋ ਗਿਆ ਹੈ। DMK ਦੇ NDA ਵਿੱਚ ਜੁੜਨ ਨਾਲ ਮੋਦੀ ਸਰਕਾਰ ਲੋਕ ਸਭਾ ਵਿੱਚ 2/3 ਬਹੁਮਤ ਯਾਨੀ 360 ਵੋਟਾਂ ਦਾ ਅੰਕੜਾ ਪਾਰ ਕਰ ਸਕਦੀ ਹੈ, ਜਿਸ ਨਾਲ ਉਸ ਲਈ ਸੀਮਾ-ਨਿਰਧਾਰਨ ਅਤੇ ਮਹਿਲਾ ਰਾਖਵਾਂਕਰਨ ਵਰਗੇ ਮਹੱਤਵਾਕਾਂਕਸ਼ੀ ਬਿੱਲ ਪਾਸ ਕਰਵਾਉਣਾ ਆਸਾਨ ਹੋ ਜਾਵੇਗਾ।ਹਿੰਦੁਸਤਾਨ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ, ਮੁਸਲਿਮ ਲੀਗ ਯਾਨੀ IUML ਨੇ ਚੇਨਈ ਵਿਚ ਆਯੋਜਿਤ ਆਪਣੀ ਜਨਰਲ ਕੌਂਸਲ ਮੀਟਿੰਗ ਵਿਚ 14 ਪ੍ਰਸਤਾਵ ਪਾਸ ਕੀਤੇ, ਜਿਨ੍ਹਾਂ ਵਿਚ DMK ਗਠਜੋੜ ਤੋਂ ਵੱਖ ਹੋਣ ਦਾ ਪ੍ਰਸਤਾਵ ਵੀ ਸ਼ਾਮਲ ਸੀ। ਪਾਰਟੀ ਨੇ ਸਾਫ਼ ਕੀਤਾ ਕਿ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਉਸ ਨੇ ਮੁੱਖ ਮੰਤਰੀ ਸੀ. ਜੋਸਫ ਵਿਜੇ ਦੀ ਅਗਵਾਈ ਵਾਲੀ ਤਮਿਲਗਾ ਵੇਤਰੀ ਕੜਗਮ (TVK) ਸਰਕਾਰ ਨੂੰ ਸਮਰਥਨ ਦਿੱਤਾ ਸੀ ਅਤੇ ਹੁਣ ਮੌਜੂਦਾ ਰਾਜਨੀਤਿਕ ਹਾਲਾਤਾਂ ਵਿਚ DMK ਗਠਜੋੜ ਵਿਚ ਬਣੇ ਰਹਿਣਾ ਸੰਭਵ ਨਹੀਂ ਹੈ।DMK ਨੂੰ ਕਿਉਂ ਲੱਗਾ ਝਟਕਾ?ਜਾਣਕਾਰੀ ਮੁਤਾਬਕ IUML ਲੰਬੇ ਸਮੇਂ ਤੋਂ DMK ਦੀ ਭਰੋਸੇਮੰਦ ਸਹਿਯੋਗੀ ਮੰਨੀ ਜਾਂਦੀ ਰਹੀ ਹੈ। ਹਿੰਦੁਸਤਾਨ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ, ਪਾਰਟੀ ਪ੍ਰਧਾਨ ਕੇ.ਐਮ. ਖਾਦਰ ਮੁਹੀਦੀਨ ਨੇ ਕਿਹਾ ਕਿ ਵਿਧਾਨ ਸਭਾ, ਲੋਕ ਸਭਾ ਅਤੇ ਸਥਾਨਕ ਨਿਕਾਇ ਚੋਣਾਂ ਵਿਚ IUML ਨੂੰ ਜੋ ਰਾਜਨੀਤਿਕ ਸਫਲਤਾ ਮਿਲੀ, ਉਹ DMK ਗਠਜੋੜ ਦੇ ਨਾਲ ਰਹਿੰਦਿਆਂ ਮਿਲੀ ਸੀ। ਇਸ ਦੇ ਬਾਵਜੂਦ ਪਾਰਟੀ ਨੇ TVK ਸਰਕਾਰ ਨੂੰ ਸਮਰਥਨ ਦੇਣ ਦਾ ਫੈਸਲਾ ਕੀਤਾ।ਉਨ੍ਹਾਂ ਕਿਹਾ ਕਿ TVK ਨੂੰ ਸਮਰਥਨ ਦੇਣ ਦੇ ਪਿੱਛੇ ਕੋਈ ਰਾਜਨੀਤਿਕ ਸੌਦੇਬਾਜ਼ੀ ਨਹੀਂ ਸੀ। ਪਾਰਟੀ ਦਾ ਮਕਸਦ ਸਿਰਫ਼ ਇਹ ਯਕੀਨੀ ਬਣਾਉਣਾ ਸੀ ਕਿ ਤਾਮਿਲਨਾਡੂ ਵਿਚ ਰਾਸ਼ਟਰਪਤੀ ਰਾਜ ਦੀ ਨੌਬਤ ਨਾ ਆਵੇ। ਬਾਅਦ ਵਿਚ IUML ਵਿਧਾਇਕ ਏ.ਐਮ. ਸ਼ਾਹਜਹਾਂ ਨੂੰ ਘੱਟ-ਗਿਣਤੀ ਭਲਾਈ ਮੰਤਰੀ ਵੀ ਬਣਾਇਆ ਗਿਆ।DMK ਨੂੰ ਛੱਡ TVK ਦੇ ਨਾਲ ਕਾਂਗਰਸਤਾਮਿਲਨਾਡੂ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ TVK ਸਭ ਤੋਂ ਵੱਡੀ ਪਾਰਟੀ ਬਣ ਕੇ ਉਭਰੀ, ਪਰ ਸਰਕਾਰ ਬਣਾਉਣ ਲਈ ਲੋੜੀਂਦੇ ਬਹੁਮਤ ਤੋਂ ਪਿੱਛੇ ਰਹਿ ਗਈ। ਇਸ ਤੋਂ ਬਾਅਦ ਕਾਂਗਰਸ, CPI, CPM, VCK ਅਤੇ IUML ਨੇ ਉਸ ਨੂੰ ਸਮਰਥਨ ਦੇ ਕੇ ਸੱਤਾ ਤੱਕ ਪਹੁੰਚਣ ਦਾ ਰਸਤਾ ਸਾਫ਼ ਕੀਤਾ। ਉਨ੍ਹਾਂ ਕਿਹਾ ਕਿ TVK ਨੂੰ ਸਮਰਥਨ ਦੇਣ ਦੇ ਪਿੱਛੇ ਕੋਈ ਰਾਜਨੀਤਿਕ ਸੌਦੇਬਾਜ਼ੀ ਨਹੀਂ ਸੀ। ਪਾਰਟੀ ਦਾ ਮਕਸਦ ਸਿਰਫ਼ ਇਹ ਯਕੀਨੀ ਬਣਾਉਣਾ ਸੀ ਕਿ ਤਾਮਿਲਨਾਡੂ ਵਿੱਚ ਰਾਸ਼ਟਰਪਤੀ ਰਾਜ ਦੀ ਨੌਬਤ ਨਾ ਆਵੇ। ਬਾਅਦ ਵਿਚ IUML ਵਿਧਾਇਕ ਏ.ਐਮ. ਸ਼ਾਹਜਹਾਂ ਨੂੰ ਘੱਟ-ਗਿਣਤੀ ਭਲਾਈ ਮੰਤਰੀ ਵੀ ਬਣਾਇਆ ਗਿਆ।