ഡോക്ടറെ അകറ്റി നിർത്താൻ ആപ്പിളിന് കഴിയുമെന്ന് നമ്മൾ പണ്ട് മുതൽക്കേ പറയുന്ന കാര്യമാണ്. ആപ്പിളിനേക്കാൾ ഗുണം ചെയ്യുന്ന മറ്റൊരു ഫലമുണ്ട്. ആപ്പിളിന് പകരം അവോക്കാഡോ ആയാലോ? ദിവസവും ഭക്ഷണത്തിൽ ഒരു അവോക്കാഡോ ഉൾപ്പെടുത്തുന്നത് ശരീരത്തിൽ നിരവധി മാറ്റങ്ങളുണ്ടാക്കും.ദിവസേനയുള്ള ഭക്ഷണക്രമത്തിൽ വലിയ മാറ്റങ്ങൾ വരുത്താതെ തന്നെ ഒരു അവോക്കാഡോ ഉൾപ്പെടുത്തുന്നത് ശരീരത്തിലെ ഗ്ലൂക്കോസ് ലോഡ് ഏകദേശം 14 പോയിന്റോളം കുറയ്ക്കാൻ സഹായിക്കും. 961 പേരിൽ നടത്തിയ ഈ പഠനത്തിൽ, അവോക്കാഡോ സ്ഥിരമായി കഴിച്ചവരിൽ ഡയറ്ററി ഗ്ലൂക്കോസ് ലോഡിൽ 13.7 പോയിന്റിന്റെ കുറവാണ് രേഖപ്പെടുത്തിയത്.അവോക്കാഡോയുടെ ഏറ്റവും വലിയ പ്രത്യേകത അതിൽ കാർബോഹൈഡ്രേറ്റ് വളരെ കുറവാണെന്നതും, ശരീരത്തിന് ഗുണം ചെയ്യുന്ന മോണോസാച്ചുറേറ്റഡ് കൊഴുപ്പും നാരുകളും ധാരാളമായി അടങ്ങിയിട്ടുണ്ടെന്നതുമാണ്. ഈ കോമ്പിനേഷൻ ദഹനപ്രക്രിയയെ പതുക്കെയാക്കുകയും വയറു നിറഞ്ഞ അനുഭവം നൽകുകയും ചെയ്യുന്നു. ഇത് ഭക്ഷണം കഴിച്ച ഉടൻ രക്തത്തിൽ പഞ്ചസാരയുടെ അളവ് കുത്തനെ ഉയരുന്നത് തടയാൻ സഹായിക്കും.also read; ചെങ്കണ്ണ് തടയാം ഈ കാര്യങ്ങൾ ശ്രദ്ധിച്ചാൽശുദ്ധീകരിച്ച കാർബോഹൈഡ്രേറ്റുകളോ ആരോഗ്യത്തിന് ഹാനികരമായ കൊഴുപ്പോ അടങ്ങിയ ഭക്ഷണങ്ങൾക്ക് പകരമായി അവോക്കാഡോ ഉപയോഗിക്കുന്നത് രക്തത്തിലെ പഞ്ചസാരയുടെ അളവ് മികച്ച രീതിയിൽ നിയന്ത്രിക്കാൻ സഹായിക്കും. അവോക്കാഡോയിലെ നാരുകൾ ഗ്ലൂക്കോസ് രക്തത്തിലേക്ക് കലരുന്നതിന്റെ വേഗത കുറയ്ക്കുന്നു. അതേസമയം ഇതിലെ നല്ല കൊഴുപ്പുകൾ ഊർജ നില സ്ഥിരമായി നിലനിർത്താൻ സഹായിക്കും.നല്ല കൊഴുപ്പും നാരുകളും അടങ്ങിയ ഭക്ഷണക്രമം ദീർഘകാലാടിസ്ഥാനത്തിൽ ഇൻസുലിൻ പ്രതിരോധം മെച്ചപ്പെടുത്താൻ സഹായിക്കുമെന്ന് പഠനങ്ങൾ സൂചിപ്പിക്കുന്നു. എന്നാൽ ഇത് ഒരു പ്രത്യേക ഭക്ഷണം കൊണ്ട് മാത്രം സാധ്യമാകുന്നതല്ല, മറിച്ച് മൊത്തത്തിലുള്ള ആരോഗ്യകരമായ ഭക്ഷണരീതിയുടെ ഭാഗമായാണ് സംഭവിക്കുന്നത്.അവോക്കാഡോ ആരോഗ്യപ്രദമാണെങ്കിലും, ഇത്ര കൃത്യമായ അളവ് കഴിച്ചാൽ പ്രമേഹം പൂർണമായും നിയന്ത്രിക്കാമെന്ന് പറയാനാകില്ല. പച്ചക്കറികൾ, പഴങ്ങൾ, ധാന്യങ്ങൾ, പയറുവർഗങ്ങൾ, നട്സുകൾ, സീഡ്സുകൾ, ലീൻ പ്രോട്ടീനുകൾ എന്നിവയടങ്ങിയ ഒരു സമീകൃതാഹാരത്തിന്റെ ഭാഗമായി വേണം ഇതിനെ കാണാൻ.The post ആപ്പിളിന് പകരം അവോക്കാഡോ; ബ്ലഡ് ഷുഗറിനെ നിയന്ത്രിക്കാനും ഈ ഫലം ? appeared first on Kairali News | Kairali News Live.