മഴക്കാലത്ത് കാർ ഉടമകൾ നേരിടുന്ന ഒരു പ്രധാന പ്രശ്നമാണ് കാറിനുള്ളിലെ ദുർഗന്ധം. അന്തരീക്ഷത്തിലെ ഉയർന്ന ഈർപ്പവും നന‍ഞ്ഞ വസ്ത്രങ്ങളും കാർ സീറ്റിലെ ഈർപ്പവുമാണ് ഇതിന് പിന്നിലെ കാരണം. എത്ര വഴികൾ പരീക്ഷിച്ചിട്ടും ഇതിൽ നിന്ന് മോചനം ഇല്ലെന്ന് പറയുന്നവരാണ് പലരും. എന്നാൽ എത്ര കടുകട്ടി ദുർഗന്ധവും മാറാൻ ചില വഴികളുണ്ട്.മഴക്കാലത്ത് കാറിനുള്ളിലെ ഫ്ലോർമാറ്റുകൾ എപ്പോഴും ഉണങ്ങിയിരിക്കാൻ ശ്രദ്ധിക്കണം. തുണി കൊണ്ടുള്ള മാറ്റുകൾക്ക് റബ്ബ‍‍ർ മാറ്റുകൾ ഉപയോഗിക്കുന്നത് ഈർപ്പം തങ്ങിനിൽക്കുന്നത് ഒഴിവാക്കാൻ സഹായിക്കും. നനഞ്ഞ കുടകളും റെയിൻകോട്ടുകളും കാറിൽ സൂക്ഷിക്കുന്നത് ഒഴിവാക്കി പകരം പ്ലാസ്റ്റിക് കവറുകൾ ഉപയോഗിക്കാം.also read; പരിചയപ്പെടാം ചില ഡീസല്‍ എസ്യുവി മോഡലുകള്‍ കാറുകളിൽ പലപ്പോഴും ദുർഗന്ധത്തിന്റെ പ്രധാന ഉറവിടം എസി കാബിനുകളാണ്. മഴക്കാലത്ത് ഈ ഫിൽട്ടറുകളിൽ പൂപ്പൽ പിടിക്കാനും ബാക്ടീരിയ വളരാനും സാധ്യത കൂടുതലാണ്. അതിനാൽ എസി വെന്റുകൾ വൃത്തിയാക്കുകയും ആവശ്യമെങ്കിൽ ഫിൽട്ടർ മാറ്റുകയും ചെയ്യുന്നത് ശുദ്ധവായു ലഭിക്കുന്നതിന് കാരണമാവും.ക്യാബിനുള്ളിലെ ഈർപ്പം മാറ്റാൻ സിലിക്ക ജെൽ പാക്കറ്റുകൾ, അല്ലെങ്കിൽ ആക്റ്റിവേറ്റഡ് ചാർക്കോൾ ബാഗുകൾ സീറ്റിനടിയി സൂക്ഷിക്കാവുന്നതാണ്. ഇവ വായുവിലെ ഈർപ്പം ആഗിരണം ചെയ്യുകയും ദുർഗന്ധം വരുന്നത് തടയുകയും ചെയ്യുന്നു. സീറ്റുകളിൽ വെള്ളം വീണാൽ ഉടൻ വാക്വം ക്ലീനർ ഉപയോഗിച്ച് വൃത്തിയാക്കുക. കാറിന്റെ വാതിലുകളിലെ റബ്ബർ ബീഡിംഗുകൾ കേടുകൂടാതെ ഇരിക്കുന്നുണ്ടെന്ന് ഉറപ്പു വരുത്തണം. ഇവയിലൂടെ വെള്ളം അകത്തേക്ക് ഇറങ്ങുന്നത് ഫ്ലോ‍ർ ബോർഡ് തുരുമ്പിക്കാനും ദുർഗന്ധം വമിക്കാനും കാരണമാവും. മഴക്കാലത്തിന് മുമ്പ് ആന്റി ബാക്ടീരിയൽ ക്ലീനിംഗ് ചെയ്യുന്നത് ഇത് ഒഴിവാക്കും.The post മഴക്കാലത്ത് കാറിനുള്ളിൽ ദുർഗന്ധം അനുഭവപ്പെടുന്നുണ്ടോ ? ഒഴിവാക്കാൻ ചില വഴികളുണ്ട് appeared first on Kairali News | Kairali News Live.