புதுச்சேரியில் மாயமான பெண் குழந்தை ஒரு மணி நேரத்தில் மீட்கப்பட்டது.ஆந்திரா மாநில சுற்றுலா பயணிகள் குடும்பத்துடன் வார விடுமுறை நாள்களை கொணடாட புதுச்சேரி வந்தனா். புதுச்சேரி பெரிய வீராம்பட்டினம் கடற்கரைக்குச் சென்ற சுற்றுலா பயணிகள் அங்கு மகிழ்ச்சியாக பொழுதை கழித்துக்கொண்டிருந்தனா். மாலை 5 மணியளவில் அவா்களுடன் வந்த 5 வயது பெண் குழந்தை கடற்கரையில் விளையாடிக் கொண்டிருந்தது.இதில் தனியாக சென்ற குழந்தை திடீரென மாயமானது. இதையடுத்து குழந்தையுடன் வந்தவா்கள் பதறினா். அங்கும் இங்குமாக ஓடி குழந்தையைத் தேடும் பணியில் ஈடுபட்டனா்.தகவலறிந்த கடலோர ரோந்து பிரிவு போலீஸாா் குழந்தையைத் தேடினா். அப்போது அங்கு வந்த சுற்றுலாப் பயணி ஒருவா் அளித்த தகவலின் பேரில், கடற்கரைக்கு பின்புறம் உள்ள ஒதுக்குப்புறமான தோப்புப் பகுதியில் விளையாடிக் கொண்டிருந்த குழந்தையை மாலை 6:10 மணியளவில் பத்திரமாக மீட்டு, பெற்றோா்களிடம் போலீஸாா் ஒப்படைத்தனா்.குழந்தையை விரைவாக மீட்ட போலீஸாா் மணிகண்டன், ஊா்க்காவல் படை வீரா் சரண்ராஜ் ஆகியோருக்கு ஆந்திரா மாநில சுற்றுலா பயணிகள் நன்றியும் பாராட்டும் தெரிவித்தனா்.