റിയാദിലേക്ക് ഹൂത്തി മിലിഷ്യ വിക്ഷേപിച്ച ബാലിസ്റ്റിക് മിസൈൽ തടഞ്ഞു നശിപ്പിച്ചതായി സഖ്യസേനയുടെ ഔദ്യോഗിക വക്താവ് മേജർ ജനറൽ തുർക്കി അൽ-മാലികി പ്രസ്താവിച്ചു.അതേ സമയം ഹൂത്തി മിലിഷ്യ ഖമീസ് മുഷൈത്തിന് നേരെ തൊടുത്തുവിട്ട രണ്ട് ബാലിസ്റ്റിക് മിസൈലുകൾ തടഞ്ഞു നശിപ്പിച്ചതായും മേജർ ജനറൽ തുർക്കി അൽ-മാലികി അറിയിച്ചു.റിയാദിലെയും ഖമീസ് മുഷൈത്ത് ഗവർണറേറ്റിലെയും നാഷണൽ ഏർലി വാണിംഗ് പ്ലാറ്റ്‌ഫോം വഴി സിവിൽ ഡിഫൻസ് അപകടസാധ്യതയെക്കുറിച്ച് മുന്നറിയിപ്പ് നൽകുകയും സുരക്ഷ ഉറപ്പാക്കാൻ ഔദ്യോഗിക നിർദ്ദേശങ്ങൾ പാലിക്കണമെന്ന് ആവശ്യപ്പെടുകയും ചെയ്തിരുന്നു.മുന്നറിയിപ്പ് കാലയളവിൽ പൗരന്മാരോടും പ്രവാസികളോടും സുരക്ഷാ മാർഗ്ഗനിർദ്ദേശങ്ങൾ പാലിക്കണമെന്നും പ്രധാനമായും തുറന്ന സ്ഥലങ്ങൾ, ഗ്ലാസുകൾ എന്നിവയിൽ നിന്ന് വിട്ടുനിൽക്കണമെന്നും ബാൽക്കണികളിലോ മേൽക്കൂരകളിലോ നിൽക്കരുതെന്നും ഡയറക്ടറേറ്റ് ആവശ്യപ്പെട്ടു.The post റിയാദിനെയും ഖമീസ് മുഷൈത്തിനെയും ലക്ഷ്യമിട്ട് വന്ന മൂന്ന് ബാലിസ്റ്റിക് മിസൈലുകൾ തടഞ്ഞു നശിപ്പിച്ചു appeared first on Arabian Malayali.