انڈیا اتحاد کے ارکان کو لے کر بس راج گھاٹ پہنچی، پولیس نے بیریکیڈ لگا کر روکا مارچ کانگریس صدر ملکارجن کھڑگے، لوک سبھا میں اپوزیشن لیڈر راہل گاندھی، پرینکا گاندھی سمیت انڈیا اتحاد کے دیگر ارکان پارلیمنٹ اور رہنماؤں کو لے کر بس راج گھاٹ پہنچ گئی ہے۔ ایس آئی آر کے معاملے پر احتجاج کر رہے اپوزیشن رہنما راج گھاٹ کی طرف مارچ کر رہے تھے۔ تاہم پولیس نے راج گھاٹ کے گیٹ کے باہر بیریکیڈ لگا دیے ہیں اور رہنماؤں کے مارچ کو روک دیا ہے۔ اپوزیشن رہنما چیف الیکشن کمشنر گیانیش کمار اور ایس آئی آر کے معاملے پر اپنے احتجاج کے تحت راج گھاٹ پہنچے ہیں۔#WATCH | Delhi: The bus carrying Congress chief-Rajya Sabha LoP Mallikarjun Kharge, Lok Sabha LoP Rahul Gandhi, Congress MP Priyanka Gandhi Vadra and other INDIA bloc leaders arrives at Raj Ghat. pic.twitter.com/fTZxZ3lySY— ANI (@ANI) October 8, 2026راج گھاٹ پہنچا راہل گاندھی کا قافلہ، کھڑگے نے بی جے پی کی ’سدبُدھی‘ کے لیے دعا کی بات کہی انڈیا اتحاد کے رہنماؤں کے ساتھ راہل گاندھی کا قافلہ راج گھاٹ پہنچ گیا ہے۔ ملکارجن کھڑگے نے کہا کہ وہ بی جے پی کی سدبُدھی کے لیے دعا کریں گے۔احتجاج کے معاملے میں دہلی پولیس نے دو ایف آئی آر درج کیںآکاشوانی بھون میں احتجاج اور بدھ کے مظاہرے کے معاملے میں دہلی پولیس نے الگ الگ ایف آئی آر درج کی ہیں۔ پولیس نے مارپیٹ، سرکاری کام میں رکاوٹ اور بدسلوکی جیسے الزامات لگائے ہیں۔ راہل گاندھی نے ایف آئی آر کو اپنے لیے ’’میڈل‘‘ قرار دیا۔ مسلسل تیسرے روز سڑکوں پر اپوزیشن، کئی رہنما حراست میں لیے گئےانڈیا اتحاد کے ارکان منگل سے احتجاج کر رہے ہیں۔ 6 اکتوبر کو پارلیمنٹ سے الیکشن کمیشن تک مارچ کی کوشش کے دوران پولیس نے کئی رہنماؤں کو حراست میں لیا۔ اس کے بعد بدھ کو جنتر منتر کی طرف مارچ کے دوران بھی راہل گاندھی، پرینکا گاندھی سمیت متعدد ارکان کو حراست میں لیا گیا۔ کھڑگے نے اپوزیشن ارکان کو لنچ پر بلایاکانگریس صدر ملکارجن کھڑگے نے آج دوپہر 1:45 بجے اپوزیشن ارکان پارلیمنٹ کو لنچ پر مدعو کیا ہے۔ اس دوران ایس آئی آر اور الیکشن کمیشن کے خلاف احتجاج کی آئندہ حکمت عملی پر تبادلہ خیال کیا جائے گا۔انڈیا اتحاد کے ارکان آج راج گھاٹ کی طرف مارچ کریں گےچیف الیکشن کمشنر گیانیش کمار اور ایس آئی آر کے خلاف اپوزیشن کا احتجاج جاری ہے۔ انڈیا اتحاد کے دستیاب ارکان پارلیمنٹ آج راج گھاٹ کی طرف مارچ کریں گے، جس کے بعد شام 5 بجے کے قریب کانسٹی ٹیوشن کلب میں پریس کانفرنس ہوگی۔