රුසියාව සහ යුක්රේනය අතර ‘බලශක්ති සටන් විරාමයක්’ (Energy Ceasefire) සඳහා එකඟතාවක් ඇති වී තිබෙන බව ඇමරිකානු ජනාධිපති Donald Trump ප්‍රකාශ කර ඇත. එවැනි පියවරකට සහාය දක්වන බව Kyiv පාලනය ප්‍රකාශ කර ඇති නමුත්, Moscow පාලනය මේ සම්බන්ධයෙන් තවමත් අදහස් දක්වා නැත.මෙම සටන් විරාමය වහාම ක්‍රියාත්මක වන බව Trump අවධාරණය කළද, එහි කොන්දේසි හෝ ක්‍රියාත්මක වන ආකාරය පිළිබඳ විස්තර ඉදිරිපත් කර නැත.යුක්රේන ජනාධිපති Volodymyr Zelensky මුලින් මෙම නිවේදනය පිළිබඳ පුදුමය පළ කළේය. අනතුරුව, රුසියාව ද ඒ සඳහා එකඟ වන්නේ නම් යුක්රේනය ඊට සහාය දක්වන බව ඔහු පැවසීය. කෙසේ වෙතත්, Trumpගේ සමාජ මාධ්‍ය පළකිරීමෙන් පසුවත් රුසියාව යුක්රේනයේ බලශක්ති පහසුකම්වලට ප්‍රහාර එල්ල කළ බවට ඔහු චෝදනා කළේය. රුසියානු තෙල් යටිතල පහසුකම් ඉලක්ක කරමින් යුක්රේනය එල්ල කරන ප්‍රහාර නතර කරන ලෙස Trump ජනාධිපතිපතිවරයා දිගින් දිගටම ඉල්ලා සිටියි. රුසියාවේ යුද මෙහෙයුම් සඳහා අරමුදල් සපයන ආදායම සීමා කිරීමට එම ප්‍රහාර අත්‍යවශ්‍ය බව Kyiv පාලනය පවසයි.ඉරානය සමඟ පවතින යුද්ධය හේතුවෙන් ලෝක ඉන්ධන මිල, විශේෂයෙන් ඩීසල් මිල ඉහළ යාමත් සමඟ ඇමරිකාව තුළ ඇති වූ දේශපාලන බලපෑම්වලට ඇමරිකාව මාස ගණනාවක් තිස්සේ මුහුණ දී සිටියි.එළඹෙන ඇමරිකානු මධ්‍යවාර මැතිවරණයට පෙර දේශීය ඉන්ධන මිල පහත හෙළීම Trumpගේ නවතම උත්සාහය වී තිබේ. ඉන්ධන පිරවුම්හල්වල ඉහළ මිල ගණන් සහ ඒ හේතුවෙන් ඇති වූ සමස්ත මිල ඉහළ යාම ඇමරිකානු ජනතාවට දැඩි බලපෑමක් එල්ල කර ඇති අතර, එය මහජනතාව අතර Trumpගේ ජනප්‍රියත්වය පහත වැටීමට ද හේතු වී තිබේ.The post ට්‍රම්ප්ගේ ‘බලශක්ති සටන් විරාමය’ පිළිබඳ ප්‍රකාශයට සෙලෙන්ස්කිගේ එකඟතාව appeared first on Siyatha News.