அமெரிக்காவின் பென்சில்வேனியாவில் நிகழ்ந்த துப்பாக்கிச்சூட்டில் 9 பேர் பலியான நிகழ்வு பரபரப்பை ஏற்படுத்தியுள்ளது. பென்சில்வேனியாவின் ஈரி நகரில் வெள்ளிக்கிழமை இரவு நடந்த துப்பாக்கிச்சூடு சம்பவத்தில் 9 பேர் பலியானதாக அம்மாகாண ஆளுநர் ஜோஷ் ஷபிரோ சனிக்கிழமை தெரிவித்தார். துப்பாக்கிச்சூடு நடத்தியதாக சந்தேகிக்கப்படும் நபரும் உயிரிழந்துவிட்டதாக காவல் துறை தெரிவித்துள்ளது.எனது 28 ஆண்டுகளுக்கும் மேலான பணி அனுபவத்தில் இதுபோன்ற ஒரு சம்பவத்தை நான் பார்த்ததே இல்லை என்று ஈரி நகரின் காவல் தலைமை அதிகாரி ரிக் லோரா உள்ளூர் செய்தி நிறுவனத்திடம் தெரிவித்தார். கூடுதல் விவரங்களை வழங்க மறுத்த லோரா, இந்தத் துப்பாக்கிச்சூடு நடந்த விதம் மிகவும் அதிர்ச்சியளிப்பதாக உள்ளது எனக் கூறினார்.துப்பாக்கிச்சூடு நடத்தியதாக சந்தேகிக்கப்படும் நபர் இறந்துவிட்டதாகவும், தற்போது பொதுமக்களுக்கு எவ்வித ஆபத்தும் இல்லை என்றும் வெள்ளிக்கிழமை நள்ளிரவு ஈரி நகர நிர்வாகம் சமூக வலைதளத்தில் பதிவிட்டுள்ளது. ஈரி நகரம் பிட்ஸ்பர்க் நகரத்திலிருந்து வடக்கே சுமார் 206 கிலோமீட்டர் தொலைவில் அமைந்துள்ளது.Nine people were killed Friday in a shooting in Erie, Pennsylvania, Governor Josh Shapiro said Saturday. Police said the suspected shooter was also dead.உத்தரகாசியில் மிதமான நிலநடுக்கம்: வீதிகளில் தஞ்சமடைந்த மக்கள்!