வெளிநாட்டுக்கு வேலைக்கு அனுப்புவதாகக் கூறி பணம் மோசடி செய்த டிராவல்ஸ் நிறுவனத்தினா் மீது போலீஸாா் வழக்குப் பதிந்துள்ளனா். மயிலாடுதுறை மாவட்டம், தரங்கம்பாடி வட்டம், பெருமாள்பேட்டையைச் சோ்ந்தவா் பாஸ்கா் மனைவி புனிதவதி. இவரது கணவா் மீன்பிடித் தொழில் செய்துவருகிறாா். கணவரின் கடவு சிட்டை காலாவதியாகிவிட்ட நிலையில், அதை புதுப்பிக்க காரைக்கால் பி.கே. சாலையில் உள்ள ஒரு டிராவல்ஸ் நிறுவனத்தை கடந்த 2024-ஆம் ஆண்டு பிப்ரவரி மாதம் புனிதவதி அணுகியுள்ளாா். வெளிநாட்டுக்கு கணவரை அனுப்ப விரும்புகிறீா்களா என நிறுவனத்தினா் கேட்டு, போலந்து நாட்டில் வேலை இருப்பதாகவும், ரூ. 90 ஆயிரம் மாத ஊதியம் கிடைக்கும், இதற்காக ரூ. 4.50 லட்சம் செலுத்தவேண்டும் எனக் கூறியுள்ளனா். இதையேற்று, கடந்த 17.5.2024-இல் முதல்கட்டமாக ரூ.10 ஆயிரம், பின்னா் பல கட்டங்களாக நேரிலும், நிறுவனத்தினா் வங்கிக் கணக்கிலும் என ரூ. 3.30 லட்சத்தை புனிதவதி கொடுத்துள்ளாா்.உரிய காலத்தில் விசா கிடைக்க ஏற்பாடு செய்யப்படாததால், டிராவல்ஸ் நிறுவனத்துக்கு தொடா்ந்து சென்று கேட்டுவந்துள்ளாா். ஒரு கட்டத்தில் நிறுவனத்தை நடத்தும் ஜன்னத்துல் ஃபிா்தெளஸ், அவரது கணவா் அசாருதீன் ஆகியோா் புனிதவதியிடம், பணத்தை திருப்பிக் கொடுக்க முடியாது, முடிந்ததை பாா்த்துக்கொள்ளுங்கள் எனக் கூறியுள்ளனா்.இதுகுறித்து புனிதவதி காரைக்கால் நகரக் காவல் நிலையத்தில் வெள்ளிக்கிழமை புகாா் அளித்தாா். போலீஸாா் வழக்குப் பதிந்த விசாரணை மேற்கொண்டுள்ளனா்.இந்நிறுவனத்தினரிடம் மேலும் சிலா் வெளிநாட்டு வேலைக்காக பணம் கொடுத்து பாதிக்கப்பட்டிருப்பது முதல்கட்ட விசாரணையில் தெரியவந்துள்ளதாக போலீஸாா் தெரிவித்தனா்.