قانونی نظم و نسق برقرار رکھنے اور امن و سلامتی کو یقینی بنانے کے لیے پولیس کمشنریٹ گوتم بدھ نگر میں ’بھارتیہ ناگرک سرکشا سنہتا‘ (بی این ایس ایس)، 2023 کی دفعہ 163 نافذ کر دی گئی ہے۔ یہ حکم10 اکتوبر2026 سے20 اکتوبر2026 تک نافذ العمل رہے گا۔ اس دوران تہواروں، مختلف تقریبات اور دیگر سرگرمیوں کے پیش نظر پولیس نے لوگوں کے لیے کئی رہنما ہدایات جاری کی ہیں۔ پولیس حکم کے مطابق اس مدت کے دوران نوراتری، دسہرہ اور دیگر مذہبی و عوامی تقریبات کے دوران امن برقرار رکھنا انتظامیہ کی ترجیح ہے۔ اس کے علاوہ مختلف امتحانات، مظاہروں اور دیگر پروگراموں کو مدنظر رکھتے ہوئے یہ قدم اٹھایا گیا ہے۔ پولیس کا مقصد ہے کہ کسی بھی طرح کی افواہ، تنازعہ یا بدنظمی کی صورتحال پیدا نہ ہو۔Section 163 of the Bharatiya Nagarik Suraksha Sanhita (BNSS), 2023, is being enforced within the Gautam Buddha Nagar Commissionerate from 10.10.2026 to 20.10.2026: Police Commissionerate, Gautam Buddha Nagar pic.twitter.com/ZHjfPkXVD5— ANI (@ANI) October 10, 2026جاری کردہ ہدایات کے مطابق بغیر اجازت جلوس نکالنے، عوامی مقامات پر بھیڑ جمع کرنے اور ایسی تقریبات منعقد کرنے پر پابندی رہے گی، جس سے قانونی نظم و نسق متاثر ہو سکتا ہے۔ کسی بھی تقریب کے انعقاد کے لیے متعلقہ حکام سے اجازت لینا ضروری ہوگا۔ عوامی مقامات پر ایسا کوئی کام نہیں کیا جا سکے گا، جس سے عام لوگوں کو پریشانی ہو یا امن و امان بگڑنے کا خدشہ ہو۔ پولیس نے لوگوں کو سوشل میڈیا کے استعمال میں بھی احتیاط برتنے کا مشورہ دیا ہے۔ عوام سے کہا گیا ہے کہ وہ غلط معلومات، گمراہ کن خبروں یا افواہیں پھیلانے والی پوسٹیں شیئر کرنے سے گریز کریں۔ کسی بھی حساس معاملے میں تصدیق کیے بغیر معلومات آگے پھیلانا پریشانی کا سبب بن سکتا ہے۔گائیڈ لائن میں عوامی مقامات پر ہتھیار لے کر چلنے، ماحول خراب کرنے والی سرگرمیوں اور ضابطوں کے خلاف لاؤڈ اسپیکر کے استعمال پر پابندی سے متعلق ہدایات دی گئی ہیں۔ مذہبی تقریبات میں بھی مقررہ ضابطوں پر عمل کرنا ہوگا۔ پولیس نے واضح کیا ہے کہ قواعد کی خلاف ورزی کرنے والوں کے خلاف کارروائی کی جا سکتی ہے۔ پولیس کمشنریٹ نے شہریوں سے اپیل کی ہے کہ وہ انتظامیہ کی ہدایات پر عمل کریں اور کسی بھی طرح کی افواہ پر توجہ نہ دیں۔ کسی بھی مشتبہ سرگرمی یا قانونی نظم و نسق سے متعلق مسئلے کی اطلاع پولیس کو دیں۔ انتظامیہ کا مقصد تہواروں اور تقریبات کے دوران ضلع میں امن برقرار رکھنا اور عوام کی حفاظت کو یقینی بنانا ہے۔