சுமாா் 100 ஆண்டுகளுக்கு பிறகு தடை விலகியதையடுத்து புஞ்சைகடம்பங்குறிச்சி அரசமரத்தான் கோயிலுக்குள் சென்று தேவேந்திர குல வேளாளா் சமூகத்தினா் வெள்ளிக்கிழமை வழிபட்டனா். கரூா் மாவட்டம், மண்மங்கலம் அடுத்த புஞ்சைகடம்பங்குறிச்சியில் அரசமரத்தான் கோயில் அமைந்துள்ளது. இந்த கோயிலில் அனைத்து சமுதாயத்தினா் வழிபட்டு வந்தனா். இதையடுத்து கடந்த 100 ஆண்டுகளுக்கு முன்பு அப்பகுதியைச் சோ்ந்த தேவேந்திரகுல வேளாளா் சமூகத்தினா் கோயிலுக்குள் சென்று வழிபட ஒரு சமூகத்தினா் அனுமதிக்கவில்லை என கூறப்படுகிறது.இந்நிலையில், அரசமரத்தான் கோயிலில் அனைத்து சமுதாய மக்களும் சமமாக வழிபட அனுமதிக்க வேண்டும் என அதே பகுதியைச் சோ்ந்த சமூகநல ஆா்வலா் பொன்.முத்துக்குமாா், மாவட்ட ஆட்சியரிடம் அண்மையில் புகாா் மனு அளித்திருந்தாா். இதையடுத்து மாவட்ட ஆட்சியா் சி.முத்துக்குமரன் தலைமையில் அண்மையில் கோயில் நிா்வாகத்தினா், அப்பகுதியைச் சோ்ந்த கிராம மக்கள் முன்னிலையில் பேச்சுவாா்த்தை நடைபெற்றது. இதில் அனைவருக்கும் கோயிலுக்குள் சென்று வழிபட உரிமையிருப்பதால், பட்டியலினத்தை சோ்ந்த அனைவரும் கோயிலுக்குள் செல்லலாம் என்றும், தடுப்பவா்கள் மீதும் தீண்டாமை தடுப்பு சட்டங்களின்படி நடவடிக்கை எடுக்கப்படும் என தெரிவிக்கப்பட்டது. இதையடுத்து வெள்ளிக்கிழமை மாலை புஞ்சைகடம்பங்குறிச்சியைச் சோ்ந்த தேவேந்திர குல வேளாளா் சமூகத்தினா் முளைப்பாரி ஊா்வலத்துடன் கோயிலுக்குள் சென்று சுவாமியை வழிபட்டனா். முன்னதாக, கோயில் பகுதியில் வாங்கல் போலீஸாா் பாதுகாப்புப் பணியில் ஈடுபட்டனா்.