انفورسمنٹ ڈائریکٹوریٹ (ای ڈی) نے گھر خریداروں کے ساتھ مبینہ دھوکہ دہی سے متعلق امرپالی گروپ اور دیگر کے خلاف منی لانڈرنگ کی تحقیقات کے تحت دہلی کے پوش علاقے مہارانی باغ میں 54 کروڑ روپے سے زائد مالیت کا ایک مکان ضبط کیا ہے۔ انسداد منی لانڈرنگ ایکٹ (پی ایم ایل اے) کے تحت درج یہ معاملہ اتر پردیش پولیس اور دہلی پولیس کی اقتصادی جرائم شاخ (ای او ڈبلیو) کی جانب سے درج کی گئی 18 ایف آئی آر سے متعلق ہے۔ الزام ہے کہ گروپ نے نوئیڈا اور گریٹر نوئیڈا میں کئی رہائشی منصوبے شروع کیے اور 36 ماہ کے اندر فلیٹ دینے اور یقینی منافع کا وعدہ کر کے گھر خریداروں سے بڑی رقم جمع کی۔लखनऊ : आम्रपाली ग्रुप पर ED का बड़ा एक्शन➡️54.71 करोड़ की अचल संपत्ति अटैच➡️दिल्ली के महारानी बाग में स्थित है संपत्ति➡️सुर्भी एडवरटाइजिंग PVT के नाम पर संपत्ति➡️मनी लॉन्ड्रिंग मामले में PMLA के तहत कार्रवाई➡️आम्रपाली ग्रुप के निदेशकों-प्रमोटरों के खिलाफ जांच➡️यूपी, दिल्ली… pic.twitter.com/6RP5crp8x2— भारत समाचार | Bharat Samachar (@bstvlive) October 9, 2026ای ڈی کے مطابق یہ منصوبے مکمل نہیں ہوئے اور گھر خریداروں کو نہ تو فلیٹوں کا قبضہ دیا گیا اور نہ ہی ان کی رقم واپس کی گئی۔ ای ڈی کے الزامات پر کمپنی کا فوری ردعمل سامنے نہیں آسکا ہے۔ ایجنسی کے مطابق فارنسک آڈٹ میں پتہ چلا کہ امرپالی گروپ نے گھر خریداروں سے جمع کی گئی 5000 کروڑ روپے سے زائد کی رقم فرضی کمپنیوں اور گروپ کی دیگر کمپنیوں میں منتقل کی۔ گروپ کے ڈائریکٹروں نے پیشہ ورانہ فیس کی آڑ میں رقم کی ہیرا پھیری کی۔’یو کے ایس ایس ایس سی‘ پیپر لیک معاملے میں ای ڈی کی بڑی کارروائی، ملزم ہاکم سنگھ راوت کی جائیداد ضبطای ڈی نے کہا کہ اس رقم کا ایک حصہ امرپالی گروپ کے مینیجنگ ڈائریکٹر انل کمار شرما اور ان کے اہل خانہ کے ذریعے قرض کی شکل میں براہ راست اور دیگر ذرائع سے دہلی کی کمپنی سُربھی ایڈورٹائزنگ کو بھیجا گیا۔ ایجنسی کے مطابق اس رقم کا استعمال دہلی کے مہارانی باغ میں واقع اے-3 (نیو) کی متعلقہ جائیداد کے سلسلے میں کیا گیا۔ ایجنسی نے بتایا کہ 54.71 کروڑ روپے مالیت کی اس جائیداد کو جرم سے حاصل ہونے والی آمدنی کے طور پر نشان زد کیا گیا ہے اور ای ڈی کے لکھنؤ کے علاقائی دفتر نے اسے عارضی طور پر ضبط کیا ہے۔