മനാമ: കേരള കാത്തലിക് അസോസിയേഷൻ (കെസിഎ) സംഘടിപ്പിക്കുന്ന വാർഷിക പ്രതിഭാസംഗമമായ ‘കെസിഎ-ബിഎഫ്‌സി ഇന്ത്യൻ ടാലന്റ് സ്കാൻ 2026’-ന്റെ ഔദ്യോഗിക ഉദ്ഘാടനവും പതാക ഉയർത്തലും ഒക്ടോബർ 9 വെള്ളിയാഴ്ച കെസിഎ സമുച്ചയത്തിൽ നടന്നു. മുഖ്യാതിഥിയായ ഡോ. രാജു നാരായണസ്വാമി ഐഎഎസ് ഇന്ത്യൻ ടാലന്റ് സ്കാൻ പതാക ഉയർത്തി ഉദ്ഘാടന കർമ്മം നിർവ്വഹിച്ചു.കെസിഎ പ്രസിഡന്റ് ജെയിംസ് ജോൺ, ഇന്ത്യൻ ടാലന്റ് സ്കാൻ ചെയർമാൻ ലിയോ ജോസഫ് എന്നിവർ ചടങ്ങിൽ പങ്കെടുത്തു. ടൈറ്റിൽ സ്പോൺസറായ ബിഎഫ്‌സിയുടെ മാർക്കറ്റിംഗ് മാനേജർ, ഗാലക്സി അറേബ്യ സിഇഒ ബെന്നി സക്കറിയ, ആർപി കൺസ്ട്രക്ഷൻ സിഇഒ പി. വി. തോമസ്, കെസിഎ എക്സിക്യൂട്ടീവ് കമ്മിറ്റി അംഗങ്ങൾ, മുതിർന്ന ഭാരവാഹികൾ എന്നിവരുടെ സാന്നിധ്യത്തിൽ പരമ്പരാഗത ഭദ്രദീപം തെളിയിച്ചു.ബഹ്‌റൈനിലെ കുട്ടികൾക്കും യുവപ്രതിഭകൾക്കും സംഗീതം, നൃത്തം, ചിത്രകല, സാഹിത്യം, പൊതുവിജ്ഞാനം തുടങ്ങിയ വിവിധ മേഖലകളിൽ കഴിവ് തെളിയിക്കാൻ അവസരമൊരുക്കുന്ന പ്രമുഖ കലാമേളയാണിത്.മത്സരക്രമവും വിവരങ്ങളും:രജിസ്ട്രേഷൻ: വ്യക്തിഗത ഇനങ്ങളിലേക്കുള്ള രജിസ്ട്രേഷൻ ഒക്ടോബർ 11 അർദ്ധരാത്രിയോടെ അവസാനിച്ചു.ടൈംടേബിൾ: ആവശ്യമായ പരിശോധനകൾക്ക് ശേഷം അന്തിമ പട്ടികയും, മത്സരങ്ങളുടെ വിശദമായ സമയക്രമവും ഒക്ടോബർ 17-ന് പ്രസിദ്ധീകരിക്കും.മത്സര തീയതികൾ: ഒക്ടോബർ 20-ന് ആരംഭിക്കുന്ന മത്സരങ്ങൾ ഡിസംബർ ആദ്യവാരത്തിൽ സമാപിക്കും.ഓൺലൈൻ പോർട്ടൽ: മത്സരക്രമം, ഫലങ്ങൾ, അറിയിപ്പുകൾ എന്നിവ എളുപ്പത്തിൽ അറിയുന്നതിനായി (https://talentscan.kcabah.com/pwa) എന്ന പ്രത്യേക ഓൺലൈൻ പോർട്ടലും സജ്ജമാക്കിയിട്ടുണ്ട്.യങ് ടാലന്റ് മേള വിജയകരമാക്കാൻ പിന്തുണ നൽകിയ എല്ലാവർക്കും കെസിഎ പ്രസിഡന്റ് ജെയിംസ് ജോണും ടാലന്റ് സ്കാൻ ചെയർമാൻ ലിയോ ജോസഫും നന്ദി രേഖപ്പെടുത്തി. കൂടുതൽ വിവരങ്ങൾക്ക് (https://www.kcabah.com) സന്ദർശിക്കാവുന്നതാണ്.The post കെസിഎ ഇന്ത്യൻ ടാലന്റ് സ്കാൻ 2026 ഡോ. രാജു നാരായണസ്വാമി ഐഎഎസ് ഉദ്ഘാടനം ചെയ്തു; മത്സരങ്ങൾ ഒക്ടോബർ 20 മുതൽ, പ്രത്യേക പോർട്ടൽ പുറത്തിറക്കി appeared first on Bahrain Vartha ബഹ്‌റൈൻ വാർത്ത.