സൗദിയിൽ സ്വിഫ്റ്റ് സ്റ്റോറുകൾ തുറന്ന് ലുലു ഗ്രൂപ്പ്. ഉപഭോക്താകൾക്ക് കൂടുതൽ സൗകര്യപ്രദമായ ഷോപ്പിങ്ങിനായാണ് സ്വിഫ്റ്റ് സ്റ്റോറുകളെന്നും ജിസിസിയിൽ വിപുലമാക്കുമെന്നും ലുലു ഗ്രൂപ്പ് ചെയർമാൻ എം എ യൂസഫലി അറിയിച്ചു. കൺവീനിയൻസ് ഷോപ്പിങ്ങ് കൂടുതൽ വിപുലമാക്കുന്നതിന്റെ ഭാഗമായാണ് സൗദി അറേബ്യയിൽ സ്വിഫ്റ്റ് സ്റ്റോറുകൾ തുറന്നത്. വേഗതയ്ക്കും സൗകര്യത്തിനുമാണ് സ്വിഫ്റ്റ് മുൻഗണന നൽകുന്നത്.സ്വിഫ്റ്റിൻ്റെ ആദ്യഘട്ട ചുവടുവെയ്പ്പിൻ്റെ ഭാഗമായി, സൗദി അറേബ്യയിലെ നാല് സ്വിഫ്റ്റ് സ്റ്റോറുകളുടെ ഉദ്ഘാടനം ലുലു ഗ്രൂപ്പ് ചെയർമാൻ എം എ യൂസഫലി വിർച്ച്വൽ സംവിധാനത്തിലൂടെ നിർവഹിച്ചു. സെൻട്രൽ പ്രവിശ്യയിലെ അൽ റാബി, അൽ ഖുറൈസ് മെട്രോ സ്റ്റേഷനുകളിലും, അരാംകോ അൽ റുവൈദി, ഈസ്റ്റേൺ പ്രവിശ്യയിലെ അൽ അഹ്സയിലുള്ള അഡ്നോക് പെട്രോൾ സ്റ്റേഷനിലുമാണ് ആദ്യ ഘട്ടത്തിൽ സ്വിഫ്റ്റ് സ്റ്റോറുകൾ തുറന്നത്.ALSO READ: തൊഴിലാളികൾക്ക് ആശ്വാസം; വിസ മാറ്റ നിയമത്തിൽ ഇളവ് പ്രഖ്യാപിച്ച് കുവൈത്ത് സർക്കാർമെട്രോ സ്റ്റേഷനുകൾ, വിമാനത്താവളങ്ങൾ, പെട്രോൾ സ്റ്റേഷനുകൾ തുടങ്ങി തിരക്കേറിയ കേന്ദ്രങ്ങളിൽ സൗകര്യപ്രദമായ അതിവേഗ ഷോപ്പിംഗ് സൗകര്യം ഒരുക്കുകയാണ് സ്വിഫ്റ്റ് സ്റ്റോറുകൾ. യാത്രകൾക്കിടയിലെ ചെറിയ ഇടവേളയിൽ പോലും ഷോപ്പിങ്ങ് സൗകര്യം ഉറപ്പാക്കുകയാണ് ലക്ഷ്യമെന്നും ഉപഭോക്താകൾക്ക് കൂടുതൽ സൗകര്യപ്രദമായ ഷോപ്പിങ്ങ് ഉറപ്പാക്കുന്നതിനായാണ് സ്വിഫ്റ്റ് സ്റ്റോറുകളെന്നും ലുലു ഗ്രൂപ്പ് ചെയർമാൻ എം.എ യൂസഫലി വ്യക്തമാക്കി. സൗദി വിഷൻ 2030ന് പിന്തുണയേകി സൗദിയിൽ 100 സ്വിഫ്റ്റ് സ്റ്റോറുകൾ തുറക്കാനുള്ള ഒരുക്കത്തിലാണ് ലുലു ഗ്രൂപ്പ് .The post അതിവേഗ ഷോപ്പിംഗ് സൗകര്യം ഒരുക്കുക ലക്ഷ്യം; സൗദിയിൽ സ്വിഫ്റ്റ് സ്റ്റോറുകൾ തുറന്ന് ലുലു ഗ്രൂപ്പ് appeared first on Kairali News | Kairali News Live.