ਕੇਂਦਰ ਸਰਕਾਰ ਨੇ ਇਬੋਲਾ ਵਾਇਰਸ ਨੂੰ ਲੈ ਕੇ ਦੇਸ਼ ਭਰ ਵਿੱਚ ਚੌਕਸੀ ਵਧਾ ਦਿੱਤੀ ਹੈ। ਸਰਕਾਰ ਨੇ ਹਵਾਈ ਅੱਡਿਆਂ, ਸਮੁੰਦਰੀ ਬੰਦਰਗਾਹਾਂ ਅਤੇ ਜ਼ਮੀਨੀ ਸਰਹੱਦੀ ਚੌਕੀਆਂ ਸਮੇਤ ਸਾਰੇ ਪ੍ਰਵੇਸ਼ ਸਥਾਨਾਂ 'ਤੇ ਸਕ੍ਰੀਨਿੰਗ ਪ੍ਰਣਾਲੀਆਂ ਨੂੰ ਮਜ਼ਬੂਤ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਸਰਕਾਰ ਨੇ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ICMR) ਅਤੇ ਨੈਸ਼ਨਲ ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ (NCDC) ਨੂੰ ਹਰ ਸਮੇਂ ਸਾਰੇ ਟਰੈਕਿੰਗ, ਟੈਸਟਿੰਗ ਅਤੇ ਨਿਗਰਾਨੀ ਪ੍ਰਣਾਲੀਆਂ ਨੂੰ ਬਣਾਈ ਰੱਖਣ ਦੇ ਨਿਰਦੇਸ਼ ਦਿੱਤੇ ਹਨ।ਅਧਿਕਾਰੀਆਂ ਦੇ ਅਨੁਸਾਰ, ਇਸ ਸਮੇਂ ਭਾਰਤ ਵਿੱਚ ਕੋਈ ਵੀ ਇਬੋਲਾ ਕੇਸ ਸਾਹਮਣੇ ਨਹੀਂ ਆਇਆ ਹੈ। ਹਾਲਾਂਕਿ, ਸਾਵਧਾਨੀ ਵਜੋਂ, ਸਮੇਂ ਸਿਰ ਕਿਸੇ ਵੀ ਸੰਭਾਵੀ ਖ਼ਤਰੇ ਨਾਲ ਨਜਿੱਠਣ ਲਈ ਸਿਹਤ ਪ੍ਰਣਾਲੀਆਂ ਨੂੰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ। World Health Organization (WHO) ਨੇ ਮੌਜੂਦਾ ਇਬੋਲਾ ਪ੍ਰਕੋਪ ਨੂੰ ਅੰਤਰਰਾਸ਼ਟਰੀ ਪੱਧਰ ਦੀ ਪਬਲਿਕ ਹੈਲਥ ਐਮਰਜੈਂਸੀ ਘੋਸ਼ਿਤ ਕੀਤਾ ਹੈ। ਅਫਰੀਕਾ ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਐਂਡ ਪ੍ਰੀਵੈਂਸ਼ਨ ਨੇ ਇਸਨੂੰ ਮਹਾਂਦੀਪੀ ਸਿਹਤ ਐਮਰਜੈਂਸੀ ਘੋਸ਼ਿਤ ਕੀਤਾ ਹੈ।ਨਵੇਂ ਹੁਕਮ ਵਿੱਚ ਕਿਹਾ ਗਿਆ ਹੈ ਕਿ ਕਾਂਗੋ ਅਤੇ ਯੂਗਾਂਡਾ ਤੋਂ ਯਾਤਰੀਆਂ ਨੂੰ ਡਾਇਰੈਕਟ ਜਾਂ ਕਨੈਕਟਿੰਗ ਫਲਾਈਟ ਰਾਹੀਂ ਭਾਰਤ ਲਿਆਉਣ ਵਾਲੀਆਂ ਏਅਰਲਾਈਨਾਂ ਨੂੰ ਹੁਣ ਹਰੇਕ ਯਾਤਰੀ ਤੋਂ Self-Declaration Form ਭਰਵਾਉਣਾ ਪਵੇਗਾ। ਇਹ ਫਾਰਮ ਜਹਾਜ਼ ਦੀ ਲੈਂਡਿੰਗ ਤੋਂ ਪਹਿਲਾਂ ਜਮ੍ਹਾ ਕਰਨਾ ਲਾਜ਼ਮੀ ਹੋਵੇਗਾ।ਉਡਾਣ ਦੌਰਾਨ ਕੀ ਹੋਵੇਗਾ?ਡੀਜੀਸੀਏ ਦੇ ਹੁਕਮ ਅਨੁਸਾਰ, ਸਾਰੀਆਂ ਏਅਰਲਾਈਨਾਂ ਨੂੰ ਉਡਾਣ ਦੌਰਾਨ ਯਾਤਰੀਆਂ ਨੂੰ ਸਲਾਹ ਦੇਣੀ ਚਾਹੀਦੀ ਹੈ ਕਿ ਜੇਕਰ ਉਨ੍ਹਾਂ ਨੂੰ ਬੁਖਾਰ, ਕਮਜ਼ੋਰੀ, ਮਾਸਪੇਸ਼ੀਆਂ ਵਿੱਚ ਦਰਦ, ਸਿਰ ਦਰਦ, ਗਲੇ ਵਿੱਚ ਖਰਾਸ਼, ਉਲਟੀਆਂ, ਦਸਤ, ਧੱਫੜ ਜਾਂ ਖੂਨ ਵਹਿਣ ਵਰਗੇ ਲੱਛਣ ਮਹਿਸੂਸ ਹੁੰਦੇ ਹਨ ਤਾਂ ਉਹ ਤੁਰੰਤ ਕ੍ਰੂ ਮੈਂਬਰਸ ਨੂੰ ਸੂਚਿਤ ਕਰਨ। ਅਜਿਹੇ ਯਾਤਰੀਆਂ ਨੂੰ ਹਵਾਈ ਅੱਡੇ ਦੀ ਮੈਡੀਕਲ ਯੂਨਿਟ ਵਿੱਚ ਭੇਜਿਆ ਜਾਵੇਗਾ।ਜੇਕਰ ਕੋਈ ਯਾਤਰੀ ਸ਼ੱਕੀ ਲੱਛਣਾਂ ਵਾਲਾ ਫਲਾਈਟ ਵਿੱਚ ਪਾਇਆ ਜਾਂਦਾ ਹੈ, ਤਾਂ ਏਅਰਲਾਈਨ ਕ੍ਰੂ ਨੂੰ ਤੈਅ ਪ੍ਰੋਟੋਕੋਲ ਦੀ ਪਾਲਣਾ ਕਰਨੀ ਹੋਵੇਗੀ। ਅਜਿਹੇ ਯਾਤਰੀ ਨੂੰ ਜਹਾਜ਼ ਦੇ ਪਿਛਲੇ ਪਾਸੇ ਸ਼ਿਫਟ ਕੀਤਾ ਜਾਵੇਗਾ। ਉਨ੍ਹਾਂ ਦੇ ਆਲੇ-ਦੁਆਲੇ ਤਿੰਨ ਕਤਾਰਾਂ ਖਾਲੀ ਰੱਖੀਆਂ ਜਾਣਗੀਆਂ। ਉਨ੍ਹਾਂ ਲਈ ਇੱਕ ਵੱਖਰਾ ਰੈਸਟਰੂਮ ਰਾਖਵਾਂ ਰੱਖਿਆ ਜਾਵੇਗਾ। ਉਨ੍ਹਾਂ ਨੂੰ ਇੱਕ ਮਾਸਕ ਅਤੇ ਪੀਪੀਈ ਕਿੱਟ ਪ੍ਰਦਾਨ ਕੀਤੀ ਜਾਵੇਗੀ। ਨੇੜੇ ਬੈਠੇ ਯਾਤਰੀਆਂ ਨੂੰ ਟ੍ਰਿਪਲ-ਲੇਅਰ ਮਾਸਕ ਪ੍ਰਦਾਨ ਕੀਤੇ ਜਾਣਗੇ।ਲੈਂਡਿੰਗ ਹੋਣ 'ਤੇ, ਜਹਾਜ਼ ਨੂੰ ATC ਅਤੇ ਹਵਾਈ ਅੱਡੇ ਦੇ ਸੰਚਾਲਕ ਦੇ ਤਾਲਮੇਲ ਨਾਲ ਇੱਕ ਵੱਖਰੇ ਬੇਅ ਵਿੱਚ ਖੜ੍ਹਾ ਕੀਤਾ ਜਾਵੇਗਾ। ਬਾਕੀ ਯਾਤਰੀ ਪਹਿਲਾਂ ਉਤਰਨਗੇ, ਅਤੇ ਸ਼ੱਕੀ ਮਰੀਜ਼ ਨੂੰ ਸਭ ਤੋਂ ਬਾਅਦ ਸਿਹਤ ਟੀਮ ਦੇ ਹਵਾਲੇ ਕੀਤਾ ਜਾਵੇਗਾ। ਹਵਾਈ ਅੱਡਾ ਸਿਹਤ ਸੰਗਠਨ (APHO) ਟੀਮ ਥਰਮਲ ਸਕ੍ਰੀਨਿੰਗ ਕਰੇਗੀ ਅਤੇ SD ਫਾਰਮ ਇਕੱਠੇ ਕਰੇਗੀ। ਜਹਾਜ਼ ਨੂੰ ਤੁਰੰਤ ਪੂਰੀ ਤਰ੍ਹਾਂ ਕੀਟਾਣੂ-ਰਹਿਤ ਕੀਤਾ ਜਾਵੇਗਾ।ਕਿਹੜੀ-ਕਿਹੜੀ ਏਅਰਲਾਈਂਸ 'ਤੇ ਲਾਗੂ ਹੋਵੇਗਾ ਆਹ ਆਦੇਸ਼ਇਹ ਆਰਡਰ ਏਅਰ ਇੰਡੀਆ, ਇੰਡੀਗੋ ਅਤੇ ਅਕਾਸਾ ਏਅਰ ਦੇ ਨਾਲ-ਨਾਲ ਕਈ ਵਿਦੇਸ਼ੀ ਏਅਰਲਾਈਨਸ 'ਤੇ ਲਾਗੂ ਹੋਵੇਗਾ। ਕਾਂਗੋ ਤੋਂ ਯਾਤਰੀਆਂ ਨੂੰ ਲਿਜਾਣ ਵਾਲੀਆਂ ਏਅਰਲਾਈਨਾਂ ਵਿੱਚ ਇਥੋਪੀਅਨ ਏਅਰਲਾਈਨਜ਼, ਕੀਨੀਆ ਏਅਰਵੇਜ਼, ਕਤਰ ਏਅਰਵੇਜ਼, ਅਮੀਰਾਤ, ਇਤਿਹਾਦ ਏਅਰਵੇਜ਼, ਤੁਰਕੀ ਏਅਰਲਾਈਨਜ਼, ਏਅਰ ਫਰਾਂਸ, ਏਅਰ ਤਨਜ਼ਾਨੀਆ, ਇਜਿਪਟ ਏਅਰ ਅਤੇ ਯੂਗਾਂਡਾ ਏਅਰਲਾਈਨਜ਼ ਸ਼ਾਮਲ ਹਨ। ਯੂਗਾਂਡਾ ਤੋਂ ਯਾਤਰੀਆਂ ਨੂੰ ਲਿਜਾਣ ਵਾਲੀਆਂ ਏਅਰਲਾਈਨਾਂ ਵਿੱਚ ਏਅਰ ਅਰੇਬੀਆ, ਫਲਾਈ ਦੁਬਈ, ਕੇਐਲਐਮ, ਸਲਾਮ ਏਅਰ, ਡਰੁਕ ਏਅਰ ਅਤੇ ਫਲਾਈਨਾਸ ਵੀ ਸ਼ਾਮਲ ਹਨ।