రైతుల రుణమాఫీపై తమిళనాడు ముఖ్యమంత్రి డాక్టర్ చంద్రశేఖర్ చారిత్రాత్మక నిర్ణయం తీసుకున్నారు. సహకార బ్యాంకుల ద్వారా వ్యవసాయ రుణాలు తీసుకున్న రైతులకు భారీ ఊరట కల్పించేలా.. రుణమాఫీని ప్రకటించారు. సోమవారం సెక్రటేరియట్‌లో వ్యవసాయ, ఆర్థిక శాఖ మంత్రులు, ఉన్నతాధికారులతో సీఎం విజయ్ సుదీర్ఘంగా నిర్వహించిన సమీక్షా సమావేశంలో ఈ నిర్ణయం తీసుకున్నారు. విజయ్ ప్రకటనతో రాష్ట్రవ్యాప్తంగా ఉన్న సామాన్య, మధ్యతరగతి రైతు కుటుంబాలకు ఉపశమనం కలుగుతుంది.తాజా ప్రకటన ప్రకారం.. గతేడాది మే 1, 2025- ఫిబ్రవరి 28, 2026 మధ్య కాలంలో కో-ఆపరేటివ్ బ్యాంకుల నుంచి వ్యవసాయ రుణాలు తీసుకున్న వారందరికీ ఇది వర్తిస్తుంది. ఈ రుణమాఫీ పథకం వల్ల తమిళనాడు వ్యాప్తంగా దాదాపు 14.22 లక్షల మంది రైతులకు లబ్ది చేకూరనుంది. దీంతో తమిళనాడు ప్రభుత్వ ఖజానాకు రూ. 2,044.46 కోట్లకుపైగా అదనపు భారం పడనుంది. ఆర్థిక ఇబ్బందుల్లో ఉన్నప్పటికీ, రైతుల ప్రయోజనాలే ముఖ్యమని సీఎం విజయ్ ఈ సాహసోపేత నిర్ణయం తీసుకున్నారు.ప్రస్తుత పథకంలో చిన్న, సన్నకారు రైతులకు విజయ్ ప్రాధాన్యత ఇచ్చారు. రూ. 50,000లోపు పంట రుణం ఉన్న అల్పాదాయ రైతులకు100 శాతం రుణమాఫీని ప్రకటించారు. అలాగే, ఇతర వర్గాల రైతులకు అదే స్థాయిలో 50 శాతం వరకు రుణమాఫీ వర్తించనుందని తెలిపారు. రుణం పరిమితి కొద్దీ ప్రభుత్వం ఒక నిర్దేశిత మొత్తాన్ని మాఫీ చేస్తూ నివేదికను తమిళనాడు ప్రభుత్వం విడుదల చేసింది. గరిష్టంగా రూ.లక్షపైగా రుణం ఉన్నవారికి కూడా రూ. 5,000 వరకు రాయితీ ఇచ్చారు.రుణమాఫీ ద్వారా రైతాంగానికి కొత్త రుణాలు పొందే అవకాశం ఏర్పడుతుందని, ఇది రాబోయే ఖరీఫ్ సీజన్‌కు ఎంతో మేలు చేస్తుందని ముఖ్యమంత్రి విజయ్ పేర్కొన్నారు. కేవలం రుణాలు రద్దు మాత్రమే కాకుండా... వ్యవసాయాన్ని లాభసాటిగా మార్చేందుకు తమ ప్రభుత్వం కట్టుబడి ఉందని విజయ్ పేర్కొన్నారు. ఆర్బీఐ మార్గదర్శకాలకు అనుగుణంగా 45 నుంచి రెండు నెలల్లోపు ఈ ప్రక్రియ మొత్తాన్ని పూర్తి చేయాలని సీఎం ఆదేశాలు జారీ చేశారు.