آسام اسمبلی نے شدید مخالفت کے درمیان ’یونیفارم سول کوڈ (یو سی سی) آسام بل، 2026‘ منظور کر لیا ہے۔ اس کے ساتھ ہی آسام شمال مشرق کی پہلی اور ملک کی تیسری ریاست بن گئی ہے، جہاں یونیفارم سول کوڈ قانون نافذ کیا گیا ہے۔ اس قانون کے تحت شادی، طلاق، گود لینا، جائیداد اور خاندانی معاملات سے متعلق قوانین تمام شہریوں کے لیے یکساں ہوں گے۔ یعنی مختلف مذاہب کے لیے الگ الگ پرسنل قوانین کی جگہ اب ایک مشترکہ قانون نافذ ہوگا۔A watershed moment in Assam's history as we become the third Indian State to enact the UCC fulfilling the desire of the founding fathers of our nation.It fulfils three important issues✅Article 44 of Constitution✅ @BJP4India's Founding Ideals✅ @BJP4Assam electoral promise pic.twitter.com/GvCzAW5qVD— Himanta Biswa Sarma (@himantabiswa) May 27, 2026حکومت کا کہنا ہے کہ اس قانون کا مقصد تمام شہریوں کو یکساں حقوق دینا اور قانونی نظام کو آسان بنانا ہے۔ دوسری جانب اپوزیشن اور بعض تنظیموں نے اس پر تشویش ظاہر کرتے ہوئے کہا ہے کہ اس سے مذہبی اور ثقافتی روایات متاثر ہو سکتی ہیں۔ آسام سے پہلے اتراکھنڈ اور گوا میں یونیفارم سول کوڈ نافذ کیا جا چکا ہے۔ اب آسام ایسا قانون بنانے والی تیسری ریاست بن گئی ہے۔آسام کے وزیر اعلیٰ ہیمنت بسوا سرما نے اسمبلی سے ’یونیفارم سول کوڈ (یو سی سی) آسام بل، 2026‘ پاس ہونے کو ریاست کے لیے ایک تاریخی قدم قرار دیا ہے۔ انہوں نے کہا کہ یہ قانون مساوات اور انصاف کی سمت میں ایک بڑا فیصلہ ہے۔ ساتھ ہی انھوں نے کہا کہ آسام کی تاریخ میں یہ ایک اہم لمحہ ہے کیونکہ اب آسام یونیفارم سول کوڈ نافذ کرنے والی ملک کی تیسری ریاست بن گئی ہے۔ یہ قدم ملک کے بانیوں کے نظریات اور آئین سازوں کی خواہشات کو آگے بڑھانے والا ہے۔Today, with the passage of the #UCCAssam bill, every person from every religion across any region of Assam (except 6th schedule areas), will be equal before the law in terms of these civil matters.I thank all NDA legislators for wholeheartedly supporting this crucial Bill. pic.twitter.com/xQrCGXedCJ— Himanta Biswa Sarma (@himantabiswa) May 27, 2026ہیمنت بسوا سرما کے مطابق یہ فیصلہ 3 اہم نکات کو پورا کرتا ہے، جن میں آئین کے آرٹیکل 44 کی روح، بی جے پی کے بنیادی نظریات اور بی جے پی آسام کے انتخابی وعدے شامل ہیں۔ انہوں نے کہا کہ حکومت نے عوام سے کیا گیا وعدہ پورا کیا ہے اور یہ قانون تمام شہریوں کے لیے یکساں نظام یقینی بنانے کی سمت میں ایک بڑا قدم ہے۔