بھوپال: ٹویشا شرما کیس میں منگل کو ہونے والی سماعت کے دوران کئی اہم پیش رفت سامنے آئیں۔ مرکزی جانچ بیورو (سی بی آئی) نے گری بالا سنگھ اور سمرتھ سنگھ کی ریمانڈ کی مدت مکمل ہونے کے بعد ان کے لیے مزید پولیس ریمانڈ کی درخواست نہیں کی۔ اس کے بعد عدالت نے دونوں کو 14 دن کی عدالتی حراست میں بھیجنے کا حکم صادر کیا۔سماعت کے دوران گری بالا سنگھ نے میڈیا ٹرائل پر سخت اعتراض کرتے ہوئے عدالت سے مداخلت کی اپیل کی۔ انہوں نے کہا کہ وہ جہاں بھی جاتی ہیں، میڈیا ان کے پیچھے پہنچ جاتی ہے، جس کی وجہ سے ان کے خاندان کو مشکلات کا سامنا کرنا پڑ رہا ہے۔ ان کا کہنا تھا کہ مسلسل میڈیا کوریج سے ان کے اہل خانہ عدم تحفظ کا شکار ہیں اور انہیں اپنی جان کے حوالے سے بھی خدشات لاحق ہیں۔ٹویشا موت معاملہ: جس عدالت میں فیصلے سناتی تھیں، اسی عدالت میں ملزم کے طور پر پیش ہوئیں سابق ضلع ججگری بالا سنگھ نے حال ہی میں انجام دی گئی منظر کی ازسر نو تشکیل (ری کرئیشن) کی کارروائی پر بھی سوال اٹھائے۔ انہوں نے عدالت کو بتایا کہ اس دوران انہیں ان کے گھر سے تقریباً تین مکان پہلے گاڑی سے اتارا گیا اور اس کی ویڈیو میڈیا تک پہنچ گئی۔ ان کا کہنا تھا کہ اگر جانچ ایجنسی کو ان کے گھر تک جانا تھا تو گاڑی کو براہ راست ان کے گھر کے سامنے بھی روکا جا سکتا تھا۔دوسری جانب مرکزی جانچ بیورو نے عدالت کو بتایا کہ فی الحال ایجنسی عدالتی حراست کی مانگ کر رہی ہے۔ جانچ ایجنسی کے مطابق اگر آئندہ تفتیش کے دوران ضرورت محسوس ہوئی تو مزید پولیس ریمانڈ کی درخواست کی جا سکتی ہے۔ سماعت کے دوران عدالت میں دونوں فریقوں کے وکلا کے درمیان سخت بحث بھی دیکھنے میں آئی۔ اسی دوران گری بالا سنگھ نے الزام لگایا کہ ان کے بیٹے سمرتھ سنگھ کے ساتھ جبل پور عدالت کے احاطے میں مارپیٹ کی گئی تھی۔ٹویشا قتل معاملہ: ’طلاق شدہ بیٹی، مری ہوئی بیٹی سے اچھی‘، سپریم کورٹ میں جذباتی ہوئے سالیسیٹر جنرل تشار مہتااس دعوے پر ٹویشا شرما فریق کے وکلا نے سخت اعتراض کیا۔ انہوں نے عدالت میں کہا کہ جبل پور عدالت کے احاطے میں نگرانی کے کیمرے نصب ہیں، اس لیے اگر ایسی کوئی واردات پیش آئی ہے تو اس کی ریکارڈنگ کی جانچ کی جا سکتی ہے۔ وکلا نے یہ بھی کہا کہ سمرتھ سنگھ کو واضح کرنا چاہیے کہ مبینہ واقعے کے وقت وہ عدالت کے احاطے میں کس مقام پر موجود تھے۔سماعت کے دوران دونوں فریقوں نے اپنے اپنے دلائل عدالت کے سامنے پیش کیے۔ عدالت کے حکم کے مطابق گری بالا سنگھ اور سمرتھ سنگھ اب 14 دن تک عدالتی حراست میں رہیں گے، جبکہ کیس کی جانچ اور دیگر قانونی کارروائیاں جاری رہیں گی۔