علی گڑھ مسلم یونیورسٹی طلبا یونین (اے ایم یو ایس یو) کے انتخابات کے نتائج آ گئے ہیں۔ ان انتخابات میں نعمان اشرف نے صدر کے عہدے پر کامیابی حاصل کی ہے، جبکہ محمد حمدان کو سکریٹری منتخب کیا گیا ہے۔ علاوہ ازیں فریٹرنٹی موومنٹ کی قومی مجلس عاملہ کی رکن اور قانون کی طالبہ نشرہ نعیم نے نائب صدر کے عہدے پر کامیابی حاصل کی ہے۔ اس سے قبل اے ایم یو ایس یو میں کبھی خاتون نائب صدر منتخب نہیں ہوئیں، یعنی نشرہ طلبا یونین کی پہلی خاتون نائب صدر بن گئی ہیں۔Aligarh, Uttar Pradesh: On the results of the Aligarh Muslim University (AMU) Students' Union elections, newly elected President Noman Ashraf says, "After a long struggle of eight years, we have finally achieved this opportunity, and it is a moment of great happiness. You can see… pic.twitter.com/0zR8dm3yLM— IANS (@ians_india) November 6, 2026قابل ذکر ہے کہ علی گڑھ مسلم یونیورسٹی کو 8 سال بعد طلبا یونین ملی ہے۔ اب یونیورسٹی میں طلبا یونین کے عہدیداروں کے دفاتر کے تالے پوری طرح کھل جائیں گے۔ اے ایم یو ایس یو کے صدر کے عہدہ پر نعمان اشرف نے 7797 ووٹ حاصل کر کے کامیابی درج کی۔ علی گڑھ مسلم یونیورسٹی کی روایت کے مطابق جو طلبا اچھی تقریر کرتے ہیں، انہیں کامیاب امیدوار تسلیم کر لیا جاتا ہے۔ اس کا مطلب یہ ہے کہ جو امیدوار اپنے حریف سے بہتر تقریر کرتا ہے، وہی انتخاب جیتتا ہے۔ ووٹنگ سے قبل کی رات آخری تقریری مقابلے میں مختلف طلبا نے الگ الگ مسائل پر اپنی بات رکھی تھی، جس کے بعد اگلی صبح ووٹنگ کا عمل شروع ہوا۔اے ایم یو ایس یو انتخابات کے لیے یونیورسٹی میں 13 پولنگ مراکز بنائے گئے تھے۔ ان مراکز پر 5 نومبر کو صبح 9 بجے سے شام 5 بجے تک ووٹنگ ہوئی۔ اس انتخابی عمل میں تقریباً 22 ہزار طلبا و طالبات نے اپنے حق رائے دہی کا استعمال کیا۔ 5 الگ الگ رنگوں کے بیلٹ پیپرز کے ذریعے ووٹر طلبا نے اپنے پسندیدہ امیدوار کو ووٹ دیا۔ اس کے بعد شام 7 بجے سے این آر ایس سی کلب میں ووٹوں کی گنتی شروع ہوئی۔Aligarh, Uttar Pradesh: On the results of the Aligarh Muslim University (AMU) Students' Union elections, newly elected Vice-President Nashra Naeem says, "I believe that achieving this in such a short time, with limited resources and a small team, was possible because of the… pic.twitter.com/LFuA0UTopp— IANS (@ians_india) November 6, 2026واضح رہے کہ اے ایم یو طلبا یونین کے انتخابات میں صدر کے عہدے کے لیے 9 امیدوار میدان میں تھے، جبکہ نائب صدر کے عہدے کے لیے 7 اور سکریٹری کے عہدے کے لیے 3 امیدواروں نے انتخاب لڑا تھا۔ انتخابی نتائج کے اعلان کے بعد اب اے ایم یو کو طلبا یونین کی نئی مجلس مل گئی ہے۔ گزشتہ دنوں طلبا نے طلبا یونین کے انتخابات کرانے کے مطالبے کو لے کر کئی دنوں تک احتجاج کیا تھا، اور اب ان کی کوششیں رنگ لا چکی ہیں۔