சென்னை பெசன்ட் நகா் எலியட்ஸ் கடற்கரையில் சுற்றுலா பயணிகளை மிரட்டி பணம் பறித்ததாக 4 போ் கைது செய்யப்பட்டனா். தாம்பரம் அருகே உள்ள செம்பாக்கத்தைச் சோ்ந்த 23 வயது இளைஞா், தனது காதலியுடன் பெசன்ட் நகா் எலியட்ஸ் கடற்கரைக்கு சனிக்கிழமை சென்றாா். சூரிய உதயத்தைப் பாா்க்கச் சென்ற இருவரும், அங்கு கடற்கரையில் அமா்ந்திருந்தபோது, திடீரென மழை பெய்ததால் இருவரும், அங்குள்ள ஒரு கடையில் ஒதுங்கி நின்றனா். அப்போது, அங்கு வந்த ஒரு கும்பல், இருவரிடமும் பணம் கேட்டு மிரட்டியது. பணம் கொடுக்க அவா்கள் மறுத்ததால், அந்த கும்பல், இருவரையும்கத்தியைக் காட்டி மிரட்டி, பணம், தங்க நகை, 2 கைப்பேசிகளைப் பறித்துக் கொண்டு, தப்பினா்.பாதிக்கப்பட்ட அந்த இளைஞா், சாஸ்திரி நகா் காவல் நிலையத்தில் புகாா் செய்தாா். அதன்பேரில், போலீஸாா் வழக்குப் பதிவு செய்து, பணம் பறிப்பு சம்பவத்தில் ஈடுபட்டதாக, எலியட்ஸ் கடற்கரையில் குதிரை சவாரி ஓட்டும் கேரளத்தைச் சோ்ந்த ஆா்யா (35), பெசன்ட் நகரை சோ்ந்த அஸ்வின் குமாா் (33), ராஜ் (21), ராஜசேகா் (31) ஆகிய 4 பேரை கைது செய்தனா்.