پنجاب کے پٹیالہ-راجپورا کے پاس کرم بھومی ایکسپریس ٹرین کے 4 ڈبوں میں آگ لگنے کی خبریں موصول ہو رہی ہیں۔ میڈیا رپورٹس کے مطابق چلتی ٹرین میں آگ لگنے سے مسافروں میں افرا تفری مچ گئی اور ٹرین رکتے ہی مسافر کودتے نظر آئے۔ کچھ میڈیا رپورٹس میں بتایا جا رہا ہے کہ بڑی تعداد میں مسافروں کو آگ نے نقصان بھی پہنچایا ہے، حالانکہ کسی ہلاکت کی خبر سامنے نہیں آئی ہے۔Rajpura, Punjab - A massive fire broke out on the passenger-packed Karmabhoomi Express (Train No. 12508), just a short distance from Rajpura Railway Station in Punjab’s Patiala district. The blaze engulfed four coaches while the train was still moving near Sarai Banjara, forcing… pic.twitter.com/gYIxPThOuQ— NextMinute News (@nextminutenews7) November 6, 2026موصولہ اطلاع کے مطابق ٹرین پنجاب سے بہار کی طرف جا رہی تھی اور اس کی آخری منزل مغربی بنگال (نیو جلپائی گوڑی) تھی۔ پٹیالہ میں سرائے بنجارا کے قریب ٹرین میں آگ لگی جو تیزی کے ساتھ پھیلتی چلی گئی۔ دیکھتے ہوئے دیکھتے جائے وقوع پر دھوئیں کا غبار پھیل گیا اور مسافر ڈر کر ٹرین سے اترنے لگے۔ ٹرین میں لگی آگ کی کچھ ویڈیوز سوشل میڈیا پر سامنے آئی ہیں، جن سے خوفناکی کا اندازہ لگایا جا سکتا ہے۔ ابھی تک یہ نہیں پتہ چل سکا ہے کہ آخر یہ آگ کس طرح لگی۔بتایا جا رہا ہے کہ تہواروں کی وجہ سے ٹرین کھچاکھچ بھری ہوئی تھی اور لوگ اپنے گاؤں گھر جا رہے تھے۔ ٹرین کے جن ڈبوں میں آگ لگی تھی، ان میں موجود مسافروں نے آگ دیکھتے ہی شور مچانا شروع کر دیا۔ ڈرائیور کو آگ لگنے کی جیسے ہی خبر ملی، اس نے ٹرین کو روک دیا۔ ٹرین رکتے ہی متاثرہ ڈبوں کے مسافر تیزی کے ساتھ ٹرین سے نیچے اتر گئے، جس کی وجہ سے کوئی بڑا حادثہ ہونے سے بچ گیا۔#BREAKING-Fire breaks out on train in Punjab's Rajpura-Fire on train near Basantpura railway station-Fire on train travelling towards Amritsar@kaidensharmaa shares details with | @aakaaanksha #Punjab #Rajpura #Amritsar pic.twitter.com/BkrORpe5vM— News18 (@CNNnews18) November 6, 2026میڈیا رپورٹس میں مطلع کیا گیا ہے کہ آگ انجن کے بعد والے ڈبوں میں لگی ہے، اور اس کی خبر ملتے ہی ڈرائیور نے ٹرین کو روک کر اس کی جانکاری متعلقہ افسران کو دی۔ فوری کارروائی کرتے ہوئے ٹرین سے مسافروں کو اتارا گیا اور ریلوے کی ٹیموں کے ساتھ فائر بریگیڈ محکمہ نے بھی موقع پر پہنچ کر آگ بجھانے کا عمل شروع کر دیا۔ ناردرن ریلوے کے چیف پبلک رلیشنز افسر ہمانشو شیکھر اپادھیائے نے بتایا کہ انبالہ ڈویژن کے سرائے بنجارا ریلوے اسٹیشن کے پاس امرتسر سے نیو جلپائی گوڑی جانے والی 12508 کرم بھومی ایکسپریس کے 4 ڈبوں میں آگ لگی ہے۔ انھوں نے یہ بھی بتایا کہ سیفٹی سسٹم کے وقت پر کام کرنے کی وجہ سے ٹرین رک گئی اور آگ پر قابو پانے کا کام چل رہا ہے۔ سبھی سینئر افسران موقع پر پہنچ چکے ہیں۔