ഓരോ കൊല്ലം കഴിയുന്തോറും വേനലിന്റെ കാഠിന്യം വർദ്ധിക്കുകയാണ്. എയർ കണ്ടീഷനറുകൾ ഒരു ആഡംബരമെന്നതിലുപരി ഒരു ആവശ്യമായി മാറിക്കഴിഞ്ഞു. എസി വാങ്ങാൻ പദ്ധതിയിടുന്നവർക്ക് മുന്നിൽ ഉയർന്നുവരുന്ന ഒരു പ്രധാന സംശയമാണ് ഏത് എസി തിരഞ്ഞെടുമെന്നത്. വിൻഡോ എസിയും സ്പ്ലിറ്റ് എസിയുമാണ് മുന്നിൽ വരുന്ന രണ്ട് പ്രധാന ഓപ്ഷനുകൾ.കാഴ്ചയിലും പ്രവർത്തനത്തിലും സാങ്കേതികവിദ്യയിലും ഇവ തമ്മിൽ വലിയ വ്യത്യാസങ്ങൾ തന്നെയുണ്ട്. പേര് സൂചിപ്പിക്കുന്നത് പോലെ തന്നെ, മുറിയുടെ ജനലിലോ അല്ലെങ്കിൽ അതിനായി പ്രത്യേകം തയ്യാറാക്കിയ ചുവരിലെ സ്പേസിലോ ആണ് വിൻഡോ എസി ഘടിപ്പിക്കുന്നത്. എസിയുടെ എല്ലാ ഭാഗങ്ങളും ഒരൊറ്റ ബോക്സിനുള്ളിൽ തന്നെയാണ് അടങ്ങിയിരിക്കുന്നത്. അതിനാൽ ഇൻസ്റ്റാളേഷൻ ചെലവ് വളരെ കുറവാണ്.സ്പ്ലിറ്റ് എസിയ്ക്ക് രണ്ട് ഭാഗങ്ങളുണ്ട്—മുറിക്കുള്ളിൽ വെക്കുന്ന ഇൻഡോർ യൂണിറ്റും വീടിന് പുറത്ത് ഘടിപ്പിക്കുന്ന ഔട്ട്ഡോർ യൂണിറ്റും ഭംഗിയുടെ കാര്യത്തിൽ സ്പ്ലിറ്റ് എസികളാണ് മുന്നിൽ. ഇൻസ്റ്റാളേഷൻ പ്രക്രിയ കുറച്ചുകൂടി സങ്കീർണ്ണവും ചെലവേറിയതുമാണ്.ALSO READ; ‘നിങ്ങൾ നെറ്റ്ഫ്ലിക്സ് കാണുമ്പോൾ, നെറ്റ്ഫ്ലിക്സ് നിങ്ങളെ നിരീക്ഷിക്കുന്നു’കംപ്രസ്സർ ഉൾപ്പെടെയുള്ള എല്ലാ ഘടകങ്ങളും മുറിയുടെ തൊട്ടടുത്ത് തന്നെ ഇരിക്കുന്നതിനാൽ, വിൻഡോ എസികൾ പ്രവർത്തിക്കുമ്പോൾ താരതമ്യേന കൂടുതൽ ശബ്ദം ഉണ്ടാകാറുണ്ട്. കനംകുറഞ്ഞ ഉറക്കമുള്ളവർക്ക് ഇത് ചിലപ്പോൾ ബുദ്ധിമുട്ടായേക്കാം. ശബ്ദമുണ്ടാക്കുന്ന പ്രധാന ഭാഗമായ കംപ്രസ്സർ വീടിന് പുറത്തുള്ള ഔട്ട്ഡോർ യൂണിറ്റിലാണ് ഉള്ളത്. അതിനാൽ മുറിക്കുള്ളിൽ യാതൊരുവിധ ശബ്ദവുമില്ലാതെ പൂർണ്ണമായ ശാന്തത ഉറപ്പാക്കാൻ സ്പ്ലിറ്റ് എസികൾക്ക് സാധിക്കും.വലിയ മുറികളോ ഹാളുകളോ വേഗത്തിൽ തണുപ്പിക്കാൻ സ്പ്ലിറ്റ് എസികളാണ് കൂടുതൽ അനുയോജ്യം. ഇവ ചുവരുകളിൽ ഉയർന്ന സ്ഥാനത്ത് ഘടിപ്പിക്കുന്നതിനാൽ മുറിയിലുടനീളം ഒരേ രീതിയിൽ തണുത്ത വായു എത്തിക്കാൻ സാധിക്കും. ചെറിയ മുറികൾക്ക് (ഉദാഹരണത്തിന് ചെറിയ ബെഡ്റൂമുകൾ അല്ലെങ്കിൽ സ്റ്റഡി റൂമുകൾ) വിൻഡോ എസി മികച്ചതാണ്. എന്നാൽ വലിയ ഹാളുകൾ തണുപ്പിക്കാൻ ഇവയ്ക്ക് പരിമിതികളുണ്ട്.വിൻഡോ എസികളുമായി താരതമ്യം ചെയ്യുമ്പോൾ സ്പ്ലിറ്റ് എസികൾക്ക് വിപണിയിൽ വില കൂടുതലാണ്. ഇൻസ്റ്റാളേഷൻ ചാർജ് കൂടി നോക്കുമ്പോൾ സ്പ്ലിറ്റ് എസിക്ക് പോക്കറ്റ് കുറച്ചുകൂടി ചോരും.The post സ്പ്ലിറ്റ് എസിയും വിൻഡോ എസിയും; ഏതാണ് നിങ്ങളുടെ വീടിന് അനുയോജ്യം ? appeared first on Kairali News | Kairali News Live.