വിംബിൾഡൺ ടെന്നീസ് പുരുഷ സിംഗിൾസിൽ കിരീടം നിലനിർത്തി ഇറ്റാലിയൻ താരം ജാനിക് സിന്നർ. നാല് സെറ്റുകൾ നീണ്ടുനിന്ന വാശിയേറിയ ഫൈനലിൽ ജർമ്മനിയുടെ അലക്സാണ്ടർ സ്വരേവിനെയാണ് ജാനിക് സിന്നർ പരാജയപ്പെടുത്തിയത്. സ്കോർ: 6-7, 7-6, 6-3, 6-4.മത്സരത്തിന്റെ തുടക്കത്തിൽ മികച്ച പോരാട്ടം കാഴ്ചവെച്ച സ്വരേവ്, ആദ്യ സെറ്റ് 9-7 എന്ന ടൈബ്രേക്കർ വിജയത്തോടെ സ്വന്തമാക്കി മുന്നിലെത്തിയിരുന്നു. എന്നാൽ രണ്ടാം സെറ്റിൽ ശക്തമായി തിരിച്ചുവന്ന ജാനിക് സിന്നർ, ടൈബ്രേക്കറിലൂടെ (7-2) ആ സെറ്റ് നേടിയെടുത്ത് മത്സരം സമനിലയിലാക്കി. മൂന്നാം സെറ്റിൽ സ്വരേവിനേറ്റ മുട്ടിനുള്ള പരിക്ക് മത്സരത്തിൽ വലിയ മാറ്റമുണ്ടാക്കി. പരുക്ക് വകവെക്കാതെ സ്വരേവ് പോരാട്ടം തുടർന്നുവെങ്കിലും സിന്നർ 6-3-ന് മൂന്നാം സെറ്റ് സ്വന്തമാക്കി മത്സരത്തിൽ മേൽക്കൈ നേടി. നാലാം സെറ്റിലും തന്റെ ആധിപത്യം തുടർന്ന ജാനിക് 6-4-ന് സെറ്റും ചാമ്പ്യൻപട്ടവും ഉറപ്പിക്കുകയായിരുന്നു.ALSO READ: ഹെൽസിങ്കി കപ്പുയർത്തി മിനർവ അക്കാദമി; ചരിത്രമെഴുതി ഇന്ത്യൻ ഫുട്ബോൾസിന്നറുടെ തുടർച്ചയായ രണ്ടാം വിംബിൾഡൺ കിരീടനേട്ടമാണിത്. 2025-ലും സിന്നറായിരുന്നു വിംബിൾഡൺ ജേതാവ്. ലോക ഒന്നാം നമ്പർ താരമായ സിന്നറുടെ കരിയറിലെ അഞ്ചാമത്തെ ഗ്രാൻഡ്സ്ലാം കിരീടമാണിത്. ടോപ്പ് സീഡുകൾ തമ്മിലുള്ള ഈ പോരാട്ടം ടെന്നീസ് ആരാധകർക്ക് ആവേശം പകരുന്ന ഒന്നായിരുന്നു. സെമി ഫൈനലിൽ നോവാക് ജോക്കോവിച്ചിനെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് സിന്നർ കലാശപ്പോരാട്ടത്തിന് യോഗ്യത നേടിയത്.The post സിന്നർ, ദ വിന്നർ; വിംബിൾഡൺ ടെന്നീസ് പുരുഷ സിംഗിൾസിൽ കിരീടം നിലനിർത്തി ഇറ്റാലിയൻ താരം appeared first on Kairali News | Kairali News Live.