ലോകകപ്പ് കിരീടം ചൂടിയ സ്പെയിൻ ടീമിന് അഭിനന്ദനങ്ങൾ അറിയിച്ച് പ്രതിപക്ഷ നേതാവ് പിണറായി വിജയൻ. ടൂർണമെന്റിലുടനീളം മികവുറ്റ പ്രകടനവും ആകർഷകമായ ഫുട്ബോളും കാഴ്ചവെച്ച് അർഹതയോടെ ലോകകപ്പ് കിരീടം സ്വന്തമാക്കിയ സ്പെയിൻ ലോക ഫുട്ബോളിൽ തങ്ങളുടെ മികവ് ഒരിക്കൽക്കൂടി അടയാളപ്പെടുത്തിയിരിക്കുകയാണ് എന്ന് അദ്ദേഹം ഫേസ്ബുക്കിൽ കുറിച്ചു.ഫൈനൽ വരെ പോരാട്ടവീര്യത്തോടെയും മികച്ച പ്രകടനത്തോടെയും മുന്നേറിയ അർജന്റീന ടീമിനും അദ്ദേഹം അഭിനന്ദനങ്ങൾ അറിയിച്ചിട്ടുണ്ട്. വിജയ-പരാജയങ്ങൾക്കപ്പുറം കായികമികവും സൗഹൃദവും ഐക്യവും ഉയർത്തിപ്പിടിച്ച ഈ ലോകകപ്പ് ലോകമെമ്പാടുമുള്ള ആരാധകർക്ക് ഏറെക്കാലം ഓർത്തുവയ്ക്കാനാകുന്ന അനേകം നിമിഷങ്ങൾ സമ്മാനിച്ചു എന്നും അദ്ദേഹം പറയുന്നു.ALSO READ: ഫിഫ ലോകകപ്പ് 2026: വെറും സാദൃശ്യം മാത്രമോ? അർജന്റീനയുടെ സ്പെയിനിനോടുള്ള തോൽവിക്ക് 2014 ലെ ഫൈനൽ തോൽവിയുമായ് സാമ്യങ്ങളേറെപോസ്റ്റിന്റെ പൂർണരൂപംരാജ്യങ്ങളുടെ അതിരുകൾക്കപ്പുറം കോടിക്കണക്കിന് മനുഷ്യരെ ഒരേ വികാരത്തിൽ ഒന്നിപ്പിക്കുന്ന അസാധാരണ ശക്തിയാണ് ഫുട്ബോൾ. ലോകമെമ്പാടുമുള്ള ആരാധകർക്ക് ആവേശവും ആനന്ദവും അവിസ്മരണീയ നിമിഷങ്ങളും സമ്മാനിച്ച മറ്റൊരു ലോകകപ്പ് കൂടി ഇന്ന് സമാപിക്കുകയാണ്.ലോകകപ്പ് ഫുട്ബോളിൽ കിരീടം നേടിയ സ്പെയിൻ ടീമിന് ഹൃദയം നിറഞ്ഞ അഭിനന്ദനങ്ങൾ. ടൂർണമെന്റിലുടനീളം മികവുറ്റ പ്രകടനവും ആകർഷകമായ ഫുട്ബോളും കാഴ്ചവെച്ച് അർഹതയോടെ ലോകകപ്പ് കിരീടം സ്വന്തമാക്കിയ സ്പെയിൻ ലോക ഫുട്ബോളിൽ തങ്ങളുടെ മികവ് ഒരിക്കൽക്കൂടി അടയാളപ്പെടുത്തിയിരിക്കുകയാണ്.ഫൈനൽ വരെ പോരാട്ടവീര്യത്തോടെയും മികച്ച പ്രകടനത്തോടെയും മുന്നേറിയ അർജന്റീന ടീമിനും അഭിനന്ദനങ്ങൾ. വിജയ-പരാജയങ്ങൾക്കപ്പുറം കായികമികവും സൗഹൃദവും ഐക്യവും ഉയർത്തിപ്പിടിച്ച ഈ ലോകകപ്പ് ലോകമെമ്പാടുമുള്ള ആരാധകർക്ക് ഏറെക്കാലം ഓർത്തുവയ്ക്കാനാകുന്ന അനേകം നിമിഷങ്ങൾ സമ്മാനിച്ചു.സ്പോർട്സ്മാൻഷിപ്പിന്റെ മഹത്തായ സന്ദേശം ലോകമെമ്പാടും കൂടുതൽ ശക്തമായി പടരട്ടെയെന്ന് ആശംസിക്കുന്നു.The post ‘ലോക ഫുട്ബോളിൽ തങ്ങളുടെ മികവ് സ്പെയിൻ ഒരിക്കൽക്കൂടി അടയാളപ്പെടുത്തി’; സ്പെയിൻ ടീമിന് അഭിനന്ദനങ്ങൾ അറിയിച്ച് പ്രതിപക്ഷ നേതാവ് appeared first on Kairali News | Kairali News Live.