മോട്ടറോളയുടെ ഏറ്റവും പുതിയ ഫ്ലാഗ്ഷിപ്പ് ഫോണായ മോട്ടറോള എഡ്ജ് 70 മാക്സ് ഇന്ത്യൻ വിപണിയിൽ പുറത്തിറക്കി. അത്യാധുനിക പ്രോസസർ, വലിയ ബാറ്ററി, മികച്ച ഡിസ്പ്ലേ എന്നിവയാണ് മോട്ടറോള എഡ്ജ് 70 മാക്സിന്‍റെ പ്രധാന സവിശേഷതകൾ. രണ്ട് സ്റ്റോറേജ് വേരിയന്റുകളിലാണ് ഇന്ത്യയിൽ മോട്ടറോള എഡ്ജ് 70 മാക്സ് ഫോൺ ലഭ്യമാകുക. 8 ജിബി റാമും 256 ജിബി സ്റ്റോറേജുമുള്ള വേരിയന്‍റിന് 54,999 രൂപയാണ് വില. 12 ജിബി റാമും 256 ജിബി സ്റ്റോറേജുമുള്ള മോഡലിന് 59,999 രൂപയാണ് വില.പ്രധാന സവിശേഷതകൾ1. ഡിസ്പ്ലേമോട്ടറോള എഡ്ജ് 70 മാക്സിന് 6.8 ഇഞ്ച് ക്വാഡ് എച്ച്ഡി+ (2കെ) എക്സ്ട്രീം എഎംഒഎൽഇഡി ഫ്ലാറ്റ് ഡിസ്പ്ലേയാണുള്ളത്. 144Hz റിഫ്രഷ് റേറ്റ്, എച്ച്ഡിആർ10+ സപ്പോർട്ട്, കൂടാതെ 7000 നിറ്റ്സ് പീക്ക് ബ്രൈറ്റ്നസ് എന്നിവ ഇതിന്റെ പ്രത്യേകതയാണ്. ഡിസ്പ്ലേയുടെ സംരക്ഷണത്തിനായി കോർണിംഗ് ഗൊറില്ല ഗ്ലാസ് 7ഐ ആണുള്ളത്.2. പ്രൊസസർക്വാൽകോമിന്റെ ഏറ്റവും പുതിയതും കരുത്തുറ്റതുമായ സ്നാപ്ഡ്രാഗൺ 8 ജെൻ 5 ചിപ്സെറ്റാണ് ഈ ഫോണിന് കരുത്ത് പകരുന്നത്. ഗെയിമിംഗും മൾട്ടിടാസ്കിംഗും സുഗമമാക്കാൻ 12GB വരെയുള്ള എൽപിഡിഡിആർ5X റാമും 256ജിബി യുഎഫ്എസ് 4.1 സ്റ്റോറേജും ഫോണിലുണ്ട്. ഫോൺ ചൂടാകാതിരിക്കാൻ 5500mm² വേപ്പർ ചേംബർ കൂളിംഗ് സിസ്റ്റവും ഒരുക്കിയിട്ടുണ്ട്.3. വലിയ ബാറ്ററിമോട്ടറോള എഡ്ജ് 70 മാക്സിന്‍റെ ഏറ്റവും വലിയ ആകർഷണം ഇതിലെ 7,100 എംഎഎച്ച് സിലിക്കൺ-കാർബൺ ബാറ്ററിയാണ്. ഇത്രയും വലിയ ബാറ്ററി ശേഷിയുണ്ടായിട്ടും ഫോണിന്റെ കനം വെറും 8.29 മില്ലിമീറ്റർ മാത്രമാണ്. 90ഡബ്ല്യൂ ടർബോപവർ ഫാസ്റ്റ് ചാർജിംഗ്, 25ഡബ്ല്യൂ മാഗ്നറ്റിക് വയർലെസ് ചാർജിംഗ് (Qi2), 5ഡബ്ല്യൂ റിവേഴ്സ് വയർലെസ് ചാർജിംഗ് എന്നിവയുമുണ്ട്.4. ക്യാമറഫോട്ടോഗ്രഫിക്കായി പിൻഭാഗത്ത് ഒപ്റ്റിക്കൽ ഇമേജ് സ്റ്റെബിലൈസേഷനോട് കൂടിയ 50 മെഗാപിക്സൽ സോണി ലൈറ്റിയ 710 പ്രൈമറി ക്യാമറ ഉണ്ട്. ഇതിനൊപ്പം 8 മെഗാപിക്സൽ അൾട്രാ-വൈഡ്/മാക്രോ ക്യാമറയും ഒരു ഡെഡിക്കേറ്റഡ് ലൈറ്റ് സെൻസറുമുണ്ട്. സെൽഫികൾക്കും വീഡിയോ കോളുകൾക്കുമായി 4കെ വീഡിയോ റെക്കോർഡിംഗ് പിന്തുണയ്ക്കുന്ന 32 മെഗാപിക്സൽ ഫ്രണ്ട് ക്യാമറയും ഫോണിലുണ്ട്.5. ഓപ്പറേറ്റിങ് സിസ്റ്റംഏറ്റവും പുതിയ ആൻഡ്രോയിഡ് 16 അടിസ്ഥാനമാക്കിയുള്ള ഹെല്ലോ യുഎക്സിലാണ് ഫോൺ പ്രവർത്തിക്കുന്നത്. മൂന്ന് വർഷത്തെ ആൻഡ്രോയിഡ് ഒഎസ് അപ്ഗ്രേഡുകളും അഞ്ച് വർഷത്തെ സെക്യൂരിറ്റി അപ്ഡേറ്റുകളും മോട്ടറോള ഉറപ്പുനൽകുന്നുണ്ട്. ഇൻ-ഡിസ്പ്ലേ ഫിംഗർപ്രിന്റ് സ്കാനറാണ് സുരക്ഷയ്ക്കായി നൽകിയിരിക്കുന്നത്.Also Read- ലാവ വിരാട് വി1 5ജി , ലാവ വിരാട് വി1 4ജി എന്നീ രണ്ട് മോഡലുകൾക്ക് ശേഷം പുതിയ മോഡലുമായി ലാവ രംഗത്ത്പൊടിയിൽ നിന്നും വെള്ളത്തിൽ നിന്നും പൂർണ്ണ സംരക്ഷണം നൽകുന്ന ഐപി68/ഐപി69 റേറ്റിംഗ്. കഠിനമായ സാഹചര്യങ്ങളെ പ്രതിരോധിക്കാൻ മിലിട്ടറി ഗ്രേഡ് സർട്ടിഫിക്കേഷൻ. ഡോൾബി അറ്റ്മോസ് പിന്തുണയുള്ള ഡ്യുവൽ സ്റ്റീരിയോ സ്പീക്കറുകൾ. മികച്ച കണക്റ്റിവിറ്റിക്കായി 5G, വൈ-ഫൈ 7, ബ്ലൂടൂത്ത് 6.0, മാഗ്നറ്റിക് അറ്റാച്ച്മെന്റ് സൗകര്യം തുടങ്ങിയ സവിശേഷതകളും മോട്ടറോള എഡ്ജ് 70 മാക്സിലുണ്ട്.ലോഞ്ച് ഓഫറുകൾഫോണിന്റെ ലോഞ്ചിന്റെ ഭാഗമായി 5000 രൂപ ഇൻസ്റ്റന്റ് ബാങ്ക് ഡിസ്കൗണ്ട് അല്ലെങ്കിൽ എക്സ്ചേഞ്ച് ബോണസ് നൽകുന്നുണ്ട്. ഇത് ഉപയോഗിക്കുന്നതിലൂടെ ഫോണിന്റെ പ്രാരംഭ വില 49,999 ആയി കുറയും. ജൂലൈ 20 മുതൽ ഫ്ലിപ്കാർട്ട്, മോട്ടറോളയുടെ ഔദ്യോഗിക വെബ്സൈറ്റ്, മറ്റ് പ്രമുഖ റീട്ടെയിൽ സ്റ്റോറുകൾ എന്നിവ വഴി ഫോൺ വാങ്ങാൻ സാധിക്കും. പാൻ്റോൺ അക്വാ ഗ്രേ, പാൻ്റോൺ ഡാർക്ക് ഷാഡോ, പാൻ്റോൺ ഐസ് മെൽറ്റ് എന്നീ ആകർഷകമായ നിറങ്ങളിൽ ഫോൺ ലഭ്യമാണ്.The post ബാറ്ററി ചാർജ് തീരുമെന്ന് ഭയം വേണ്ട! മോട്ടറോള എഡ്ജ് 70 മാക്സ് ഇന്ത്യയിൽ; വിലയും മറ്റ് പ്രത്യേകതകളും അറിയാം appeared first on Kairali News | Kairali News Live.