കാപ്പാ കേസ് പ്രതിയും ബി ജെ പി കൗൺസിലറുമായ സുഗതനെ പൊലീസ് കൈവിലങ്ങണിയിക്കാതെ നടപടി ക്രമങ്ങൾ പൂർത്തിയാക്കിയതിനെതിരെ വ്യാപക പ്രതിഷേധവും വിമർശനവും. എന്നാൽ രാഷ്ട്രീയ തടവുകാരായ ഇടതുപക്ഷ പ്രവർത്തകരെ കൈവിലങ്ങണിയിച്ച് കൊടും ക്രിമിനലുകളെപ്പോലെയാണ് പൊലീസ് കൈകാര്യം ചെയ്യുന്നത്. ഇതിനെതിരെയാണ് ഇപ്പോൾ സമൂഹമാധ്യമങ്ങളിലുൾപ്പെടെ വലിയ വിമർശനം ഉയരുന്നത്.രാഷ്ട്രീയ കേസിൽ പ്രതിയായ ഐ പി ബിനുവിനെ അസുഖത്തെത്തുടർന്ന് ആശുപത്രിയിൽ എത്തിച്ചപ്പോഴും കൈവിലങ്ങുണ്ടായിരുന്നു. ഐ പി ബിനു ഗുണ്ടാ ആക്ട് കേസിലോ, പിടിച്ചുപറി കേസിലോ, സ്ത്രീപീഡന കേസിലോ പ്രതിയല്ല. ഒരു രാഷ്ട്രീയ കേസിലെ പ്രതിയോടാണ് ഈ തരത്തിലുള്ള അപമാനകരമായ പെരുമാറ്റം സ്വീകരിച്ചിരിച്ചത്.Also read: കാപ്പാ കേസ് പ്രതിക്ക് വിലങ്ങില്ല; ‘വിദ്യാർത്ഥി സംഘടന പ്രവർത്തകനെ വിലങ്ങണിയിക്കുന്നു, എവിടെ സാംസ്കാരിക ക്യാപ്റ്റന്മാർ’ : പി എസ് സഞ്ജീവ്ഇത് സംബന്ധിച്ച് നിരവധി പേർ സമൂഹമാധ്യമത്തിൽ കുറിക്കുകയും ചെയ്തിട്ടുണ്ട്. എസ് എഫ് ഐ തിരുവനന്തപുരം ജില്ലാ സെക്രട്ടറിയേയും സമരത്തിൽ പങ്കെടുത്തതിന്റെ പേരിൽ അറസ്റ്റ് ചെയ്തപ്പോഴും കൈവിലങ്ങുണ്ടായിരുന്നു. ഇതിനെതിരെ പ്രതികരിച്ചു കൊണ്ട് എസ് എഫ് ഐ സംസ്ഥാന സെക്രട്ടറി പി എസ് സഞ്ജീവും രംഗത്ത് വന്നിരുന്നു.The post കാപ്പാ കേസ് പ്രതി സുഗതനെ വിലങ്ങണിയിക്കാതെ പൊലീസ്, രാഷ്ട്രീയ തടവുകാർക്ക് വിലങ്ങ്; വിമർശനം രൂക്ഷം appeared first on Kairali News | Kairali News Live.