భారత్, ఇంగ్లాండ్ జట్ల మధ్య వన్డే సిరీస్ విజేత ఎవరో తేల్చే అత్యంత కీలకమైన మూడో వన్డే మ్యాచ్‌లో ఇంగ్లాండ్ ఫస్ట్ బ్యాటింగ్ చేయనుంది. ఈ మ్యాచ్‌లో టాస్ గెలిచిన ఇంగ్లాండ్ కెప్టెన్ హ్యారీ బ్రూక్ బ్యాటింగ్ ఎంచుకున్నాడు. పిచ్ చూసేందుకు చాలా అద్భుతంగా ఉందని, భారీ స్కోరు సాధించడానికి అనుకూలంగా కనిపిస్తోందని బ్రూక్ అభిప్రాయపడ్డాడు. గత మ్యాచ్‌లో జో రూట్ ఆడిన ఇన్నింగ్స్ తమ జట్టుకు ఒక మంచి రోడ్ మ్యాప్ లాంటిదని చెప్పాడు. ఇంగ్లాండ్ తమ తుది జట్టులో మార్పు చేసింది. సాకిబ్ మహమూద్ ప్లేసులో జోష్ టంగ్‌ను తీసుకుంది.మరోవైపు టాస్ ఓడిపోయిన భారత కెప్టెన్ శుభ్‌మన్ గిల్ స్పందిస్తూ.. తాము టాస్ గెలిచినా మొదట బౌలింగే ఎంచుకునేవాళ్లమని చెప్పాడు. అయితే మ్యాచ్ ప్రారంభానికి ముందే టీమిండియాకు ఒక ఊహించని షాక్ తగిలింది. జట్టు ప్రధాన పేసర్ జస్‌ప్రీత్ బుమ్రా మోకాలి గాయం కారణంగా ఈ మ్యాచ్‌కు దూరమయ్యాడు. బుమ్రా లేకపోవడం జట్టు బౌలింగ్ విభాగానికి పెద్ద లోటు అని చెప్పాలి. ఈ మ్యాచ్ కోసం భారత జట్టులో మూడు కీలక మార్పులు చేసినట్లు గిల్ ప్రకటించాడు. గాయం నుంచి కోలుకున్న వికెట్ కీపర్ బ్యాటర్ కేఎల్ రాహుల్‌తో పాటు ప్రిన్స్ యాదవ్, అర్ష్‌దీప్ సింగ్‌లు తుది జట్టులోకి వచ్చారు. శివమ్ దూబె బెంచ్‌కే పరిమితమయ్యాడు.ఈ సిరీస్ ప్రస్తుతం 1-1తో సమంగా మారింది. ఇవాళ్టి మ్యాచులో భారత్ గెలిస్తే.. టీమిండియా 2-1తో సిరీస్ కైవసం చేసుకుంటుంది.భారత తుది జట్టు: రోహిత్ శర్మ, శుభ్‌మన్ గిల్ (కెప్టెన్), విరాట్ కోహ్లీ, ఇషాన్ కిషన్, శ్రేయాస్ అయ్యర్, కేఎల్ రాహుల్ (వికెట్ కీపర్), అక్షర్ పటేల్, గుర్నూర్ బ్రార్, ప్రిన్స్ యాదవ్, అర్ష్‌దీప్ సింగ్, ప్రసిధ్ కృష్ణఇంగ్లాండ్: బెన్ డకెట్, జాకబ్ బెథెల్, జో రూట్, హ్యారీ బ్రూక్ (కెప్టెన్), జోస్ బట్లర్ (వికెట్ కీపర్), సామ్ కర్రన్, విల్ జాక్స్, గస్ అట్కిన్సన్, జోఫ్రా ఆర్చర్, ఆదిల్ రషీద్, జోష్ టంగ్