پاکستان کا کہنا ہے کہ اس نے امریکی صدر ٹرمپ کے خاندان سے وابستہ کرپٹو کمپنی ورلڈ لبرٹی فنانشل میں کوئی سرمایہ کاری نہیں کی ہے۔ یہ کمپنی ٹرمپ کے بیٹوں اور مشرقِ وسطیٰ کے لیے امریکہ کے خصوصی ایلچی سٹیو وٹکوف کے بچوں نے قائم کی تھی۔ صدر ٹرمپ نے اس کمپنی سے لاتعلقی کا اظہار کیا ہے تاہم ڈیموکریٹس نے عندیہ دیا ہے کہ وہ کانگریس کے تفتیشی اختیارات استعمال کرتے ہوئے ٹرمپ خاندان کے کرپٹو کاروبار اور اس کے غیر ملکی روابط کا جائزہ لینا چاہتے ہیں۔