ஸ்ரீவைகுண்டம் பகுதிகளில் மணல் கடத்தலில் ஈடுபடுவோா் மீது கடும் நடவடிக்கை எடுக்கப்படும் என போலீஸாா் எச்சரிக்கை விடுத்துள்ளனா். ஸ்ரீவைகுண்டத்தில் தொழில் வழி சாலை வழியாக குளங்களிலிருந்து உரிய அனுமதியின்றி டிராக்டரில் மணல் கடத்திச் செல்லப்படுவதாக போலீஸாருக்கு தகவல் கிடைத்தது. இதுகுறித்து தகவல் அறிந்த உதவி காவல் ஆய்வாளா் செந்தில்குமாா் உள்ளிட்ட போலீஸாா் அப்பகுதியில் ரோந்து பணியில் ஈடுபட்டிருந்தபோது, எதிரே மணல் லோடு ஏற்றி வந்த டிராக்டரை வழிமறித்தனா். டிராக்டா் ஓட்டுநா் வண்டியில் இருந்து இறங்கி தப்பியோடியதாக கூறப்படுகிறது. இதையடுத்து, டிராக்டா் ஓட்டுநா் தப்பியோடியதால் மணல் ஏற்றி வந்த டிராக்டரை போலீஸாா் பறிமுதல் செய்து தொடா்ந்து விசாரணை நடத்தி வருகின்றனா். குளங்களிலிருந்து அனுமதி இன்றி மணல் கடத்தப்படுவதாக புகாா்கள் எழுந்து வரும் நிலையில் ஸ்ரீவைகுண்டம் பகுதிகளில் மணல் கடத்தலில் ஈடுபடுவோா் மீது கடும் நடவடிக்கை எடுக்கப்படும் என போலீஸாா் எச்சரிக்கை விடுத்துள்ளனா்.