ہندوستانی محکمۂ موسمیات (آئی ایم ڈی) نے ہفتے کے روز بتایا کہ جمعہ کی رات تقریباً 11:30 بجے سمندری طوفان ’اکوان‘ کمزور ہو کر وسطی اڈیشہ کے اوپر ایک واضح کم دباؤ کے علاقے میں تبدیل ہو گیا۔ آئی ایم ڈی نے ہفتے کی رات 1:07 بجے سوشل میڈیا پلیٹ فارم ’ایکس‘ پر ایک پوسٹ کے ذریعے بتایا کہ سمندری طوفان ’اکوان‘ ریاست کے جنوبی ساحلی حصے سے شمال کی جانب بڑھنے کے بعد وسطی اڈیشہ کے اوپر ایک واضح کم دباؤ والے علاقے میں تبدیل ہو گیا ہے۔The Deep Depression (Remnant of #Severe_Cyclonic_Storm “#Akvan”) over south coastal #Odisha moved northwards with a speed of 12 kmph during past 06 hours, weakened into a #Depression and lay centered at 1730 hours IST of today, the 20th November, 2026, over south Odisha near… pic.twitter.com/sm27obtwYS— India Meteorological Department (@Indiametdept) November 20, 2026محکمۂ موسمیات کے مطابق سمندری طوفان ’اکوان‘ اڈیشہ کے اوپر تقریباً شمال کی جانب بڑھنے کے ساتھ ہی اگلے 6 گھنٹوں کے دوران مزید کمزور ہو کر کم دباؤ کے علاقے میں تبدیل ہونے کا امکان ہے۔ محکمے نے کہا کہ اس نظام سے متعلق یہ آخری اپ ڈیٹ ہے۔ حالانکہ نیشنل ویدر فورکاسٹنگ سینٹر اور متعلقہ موسمیاتی مراکز کی جانب سے اس نظام سے متعلق باقاعدہ بلیٹن جاری کیے جاتے رہیں گے۔اڈیشہ: سمندری طوفان ’اکوان‘ کی تباہی سے قبل بڑے پیمانے پر تیاریاں، 50 ہزار افراد منتقل، 3 ہزار ریلیف شیلٹر قائماس سے قبل جمعہ کی دوپہر تقریباً پونے 2 بجے محکمۂ موسمیات نے بتایا تھا کہ خلیج بنگال کے مغربی وسطی حصے میں شمالی آندھرا پردیش اور جنوبی اڈیشہ ساحلوں کے قریب موجود ’اکوان‘ گزشتہ 6 گھنٹوں کے دوران 26 کلومیٹر فی گھنٹہ کی رفتار سے شمال-شمال مغرب کی سمت بڑھا تھا۔ صبح 7:30 سے 8:30 بجے کے درمیان یہ 70 سے 80 کلومیٹر فی گھنٹہ کی رفتار سے چلنے والی ہواؤں کے ساتھ گوپال پور کے قریب شمالی آندھرا پردیش اور جنوبی اڈیشہ کے ساحلوں سے ٹکرا کر آگے بڑھ چکا تھا۔ یہ طوفان جنوبی اڈیشہ کے ساحلی علاقوں اور اس سے متصل شمالی آندھرا پردیش کے ساحلی علاقوں میں مرکوز تھا۔ یہ گوپال پور (اڈیشہ) کے قریب، کلنگ پٹنم (آندھرا پردیش) سے تقریباً 120 کلومیٹر شمال مشرق، پوری (اڈیشہ) سے 130 کلومیٹر مغرب-جنوب مغرب اور وشاکھاپٹنم (آندھرا پردیش) سے 230 کلومیٹر شمال مشرق میں واقع تھا۔