චීනය සහ දකුණු කොරියාව අතර ද්විපාර්ශ්වික සබඳතා යහපත්, ස්ථාවර සහ තිරසර ලෙස සංවර්ධනය කිරීම සහතික කිරීම සඳහා දෙරටම උපායමාර්ගික දැක්මකින් කටයුතු කළ යුතු බව චීන විදේශ අමාත්‍ය Wang Yi මහතා ඊයේ (20) පවසා තිබේ.චීන කොමියුනිස්ට් පක්ෂයේ මධ්‍යම කාරක සභාවේ දේශපාලන මණ්ඩලයේ සාමාජිකයෙකු ද වන Wang Yi, මහතා දකුණු කොරියානු විදේශ අමාත්‍ය Cho Hyun මහතා හමුවූ අවස්ථාවේදී මෙම අදහස් පළ කළේය.දකුණු කොරියාව සිය මූලික අවශ්‍යතා පදනම් කර ගනිමින් ස්වාධීන විදේශ ප්‍රතිපත්තියක් අනුගමනය කළ යුතු බවත්, අනෙකුත් රටවල් සමඟ ගැටුම් ඇති කර නොගෙන සමාන්තරව සබඳතා වර්ධනය කරගත යුතු බවත් Wang Yi මහතා පැවසීය.පසුගිය වසරේ අවසානයේ සිට දෙරටේ ඉහළ පෙළේ නායකයන් සාර්ථක ලෙස එකිනෙකාගේ රටවල සංචාරය කර ඇති බවත්, චීනය සහ දකුණු කොරියාව අතර සබඳතාවල අනාගත සංවර්ධනය සම්බන්ධයෙන් වැදගත් එකඟතාවන්ට පැමිණ ඇති බවත් Wang Yi මහතා පෙන්වා දී ඇත. එමඟින් දෙරටේ ද්විපාර්ශ්වික සබඳතා සඳහා උපායමාර්ගික මඟපෙන්වීමක් ලබාදී ඇති බව ද හෙතෙම සඳහන් කළේය.දකුණු කොරියාව, චීනය සමඟ රාජ්‍යතාන්ත්‍රික සබඳතා ස්ථාපිත කළ දා සිට එකම චීනය ප්‍රතිපත්තිය අඛණ්ඩව අනුගමනය කර ඇති බව දකුණු කොරියානු විදේශ අමාත්‍ය Cho Hyun මහතා මෙහිදී පැවසීය.චීනය සමඟ සමීප ඉහළ මට්ටමේ හුවමාරු අඛණ්ඩව පවත්වාගෙන යාමට දකුණු කොරියාව අපේක්ෂා කරන බවත්, ආර්ථික හා වෙළඳ කටයුතු, උසස් තාක්ෂණය, කෘත්‍රිම බුද්ධිය, යොවුන් හුවමාරු ඇතුළු ක්ෂේත්‍රවල හුවමාරු හා සහයෝගිතාව පුළුල් කිරීමට අපේක්ෂා කෙරෙන බවත් Cho Hyun මහතා සඳහන් කර ඇත.The post චීනය දකුණු කොරියාවට කළ ඇරයුම appeared first on Siyatha News.