لندن(20 اگست 2026): شہزادہ ہیری اور ان کی اہلیہ میگھن مارکل نے تقریباً 6 سال امریکا میں قیام کے بعد اپنے بچوں سمیت رواں ماہ برطانیہ واپس منتقل ہونے کا فیصلہ کیا ہے۔برطانوی شاہی خاندان کے شہزادہ ہیری اور ان کی اہلیہ میگھن مارکل نے امریکا میں تقریباً چھ سال گزارنے کے بعد اپنے بچوں سمیت اس موسم خزاں میں برطانیہ واپس منتقل ہونے کا فیصلہ کر لیا ہے۔ تاہم، واضح کیا گیا ہے کہ وہ شاہی خاندان کے فعال یا کام کرنے والے اراکین کے طور پر اپنی ذمہ داریاں دوبارہ نہیں سنبھالیں گے۔خبر رساں ادارے کی رپورٹ کے مطابق، جوڑے کے دونوں بچوں، 7 سالہ شہزادہ آرچی اور 5 سالہ شہزادی للیبیٹ، کا داخلہ برطانوی اسکولوں میں کرا دیا گیا ہے جو ستمبر سے اپنی باقاعدہ کلاسز کا آغاز کریں گے جبکہ یہ خاندان لندن کے باہر ایک نجی رہائش گاہ میں مقیم ہو گا۔Read More: Prince Harry looks happier than ever as he steps out hours after U.K. return newsمارکل نے چھ سال قبل شاہی امور کی انجام دہی چھوڑ کر کیلیفورنیا منتقلی کا فیصلہ کیا تھا تاکہ وہ نیٹ فلکس اور دیگر اداروں کے ساتھ منافع بخش معاہدوں کے ذریعے خود کفیل ہو سکیں۔اس دوران شاہی خاندان کے ساتھ ان کے تعلقات کافی کشیدہ رہے، تاہم حال ہی میں شہزادہ ہیری نے اپنے والد شاہ چارلس سوم سے صلح اور زیادہ وقت گزارنے کی خواہش ظاہر کی ہے، جو کہ کینسر کے عارضے میں مبتلا ہیں۔ذرائع کے مطابق شہزادہ ہیری نے اتوار کے روز ہی اپنے والد بادشاہ چارلس سوم کو اس فیصلے سے باضابطہ طور پر آگاہ کر دیا تھا۔ اس سے قبل گزشتہ ماہ بھی شہزادہ ہیری اور میگھن نے برطانیہ کا دورہ بھی کیا تھا۔اس تمام صورتحال پر بکنگھم محل میں شاہی ترجمان نے مؤقف اپنایا کہ محل شاہی خاندان کے غیر فعال اراکین سے متعلق قیاس آرائیوں پر تبصرہ نہیں کرتا، جبکہ شہزادہ ہیری کے ترجمان نے بھی اس پر خاموشی اختیار کر رکھی ہے۔