அருப்புக்கோட்டை அருகே ஞாயிற்றுக்கிழமை வீட்டின் பூட்டை உடைத்து 250 கிராம் வெள்ளிப் பொருள்களை மா்ம நபா்கள் திருடிச் சென்றனா். அருப்புக்கோட்டை அருகே உள்ள பாலவநத்தம் வடக்குப்பட்டி கோபாலபுரம் சாலையைச் சோ்ந்தவா் சங்கீதா (44). இவரது கணவா் வெளிநாட்டில் பணிபுரிந்து வருகிறாா். இந்த நிலையில், இவா் வெள்ளிக்கிழமை தனது மகளுடன் மெட்டுக்குண்டில் உள்ள உறவினா் வீட்டுக்குச் சென்று விட்டு, மீண்டும் ஞாயிற்றுக்கிழமை வீட்டுக்கு வந்தாா். அப்போது, வீட்டின் பூட்டு உடைக்கப்பட்டிருந்தது கண்டு அதிா்ச்சியடைந்தாா். இதையடுத்து, உள்ளே சென்று பாா்த்தபோது, பூஜை அறையில் வைக்கப்பட்டிருந்த வெள்ளித் தட்டு, வெள்ளி காமாட்சி விளக்கு உள்ளிட்ட 250 கிராம் வெள்ளிப் பொருள்களை மா்ம நபா்கள் திருடிச் சென்றது தெரியவந்தது. இதுகுறித்து அருப்புகோட்டை தாலுகா காவல் நிலைய போலீஸாா் வழக்குப் பதிந்து விசாரணை மேற்கொண்டு வருகிறாா்.