مہاراشٹر میں مسلسل ہو رہی شدید بارش نے معمولاتِ زندگی کو بری طرح متاثر کر دیا ہے۔ ممبئی اور اس کے نواحی علاقوں میں کئی مقامات پر پانی جمع ہونے، ٹریفک کی روانی متاثر ہونے اور لینڈ سلائیڈنگ کے واقعات کے بعد حکومت اور اپوزیشن کے درمیان ایک دوسرے پر الزامات اور جوابی بیانات کا سلسلہ بھی تیز ہو گیا ہے۔کانگریس کے سینئر رہنما نانا پٹولے نے حالیہ صورتحال اور ’مسنگ لنک‘ منصوبے کے قریب پیش آئے لینڈ سلائیڈنگ کے واقعے میں انسانی جانوں کے نقصان پر ریاستی حکومت سے جواب دہی کا مطالبہ کیا ہے، جبکہ بھارتیہ جنتا پارٹی کے اراکین اسمبلی نے اسے قدرتی آفت قرار دیتے ہوئے عوام سے احتیاط برتنے اور انتظامیہ سے تعاون کرنے کی اپیل کی ہے۔نانا پٹولے نے کہا کہ شدید بارش اگرچہ ایک قدرتی آفت ہے، لیکن ایسی صورتحال سے نمٹنے کے لیے پیشگی تیاری کرنا حکومت کی ذمہ داری ہوتی ہے۔ ان کے مطابق ریاستی حکومت نے آفات سے نمٹنے کے انتظامات اور بنیادی ڈھانچے کی بہتری کے نام پر ہزاروں کروڑ روپے خرچ کرنے کے دعوے کیے، تاہم زمینی سطح پر عوام کو اس کا خاطر خواہ فائدہ نہیں پہنچا۔انہوں نے مطالبہ کیا کہ حکومت عوام کے سامنے یہ واضح کرے کہ اب تک آفات سے نمٹنے اور ترقیاتی کاموں پر کتنی رقم خرچ کی گئی اور وہ کہاں استعمال ہوئی۔ کانگریس رہنما نے یہ بھی الزام عائد کیا کہ ریاست میں ترقیاتی منصوبوں کے ٹھیکوں کی تقسیم کے عمل میں بڑے پیمانے پر بے ضابطگیاں ہوتی ہیں۔ ان کا کہنا تھا کہ بعض ٹھیکیداروں نے بھی یہ دعویٰ کیا ہے کہ منصوبوں میں بھاری کمیشن ادا کرنا پڑتا ہے، جس کے باعث تعمیراتی کاموں کے معیار پر منفی اثر پڑتا ہے۔ان کے مطابق حالیہ لینڈ سلائیڈنگ کے واقعے نے ترقیاتی منصوبوں کے معیار سے متعلق کئی سوالات کھڑے کر دیے ہیں۔ انہوں نے اس بات پر بھی زور دیا کہ سب سے زیادہ تشویش ناک پہلو قیمتی انسانی جانوں کا ضیاع ہے، جس کی ذمہ داری حکومت کو قبول کرنی چاہیے۔دوسری جانب بھارتیہ جنتا پارٹی کے رکن اسمبلی تمل سیلوان نے کہا کہ مانسون کے دوران شدید بارش اور تیز ہوائیں غیر معمولی نہیں ہوتیں اور اسی وجہ سے مختلف علاقوں میں درخت گرنے اور دیگر مشکلات پیش آئیں۔ انہوں نے شہریوں سے اپیل کی کہ وہ غیر ضروری طور پر گھروں سے باہر نہ نکلیں اور انتظامیہ کی جانب سے جاری ہدایات پر عمل کریں۔ممبئی کے مانخورد علاقے میں ایک چال گرنے سے چھ افراد ہلاکشمالی ہند میں مانسون ہوا فعال، بارش نے ممبئی کو پہلے ہی کیا بے حال، اب دیگر کئی ریاستوں میں ہوگی جھماجھم بارشممبئی میں موسلا دھار بارش سے فضائی آپریشن متاثر، رن وے ایک گھنٹے بند، بیشتر پروازیں تاخیر کا شکارانہوں نے ’مسنگ لنک‘ منصوبے کے قریب پیش آئے لینڈ سلائیڈنگ کے واقعے پر افسوس کا اظہار کرتے ہوئے متاثرہ خاندانوں سے ہمدردی ظاہر کی اور کہا کہ آئندہ تعمیراتی منصوبوں میں معیار اور حفاظتی اصولوں کا مزید سختی سے خیال رکھا جانا چاہیے تاکہ ایسے واقعات کی روک تھام ممکن ہو سکے۔